Papasok Ka sa isang kasunduan sa ilalim ng Mga Tuntunin at Kondisyong ito ng Money Transfer (ang “Mga Tuntunin”) kasama ng isang lisensyadong subsidiary ng Western Union (tinatawag na “Western Union Entity” ang bawat isa, at “Mga Western Union Entity” kung sama-sama) o isang lisensyadong partner, kinatawan, o agent (isang “Partner”) (tumutukoy ang “Kami“, “Amin” o “Namin” sa naaangkop na Western Union Entity at/o Partner) na nag-aalok ng Mga Serbisyo sa ilalim ng lisensya nito, sa pakikipagtulungan ng isang Western Union Entity para sa Aming mga serbisyo sa bansa kung saan magmumula ang pagpapadala Mo ng Transaksyon (ang “Bansa ng Pagpapadala”). Nakikipagtransaksyon Ka sa Western Union Entity/Mga Western Union Entity o Partner kung saan Ka nag-apply para sa Aming Mga Serbisyo. Makikita ang kanilang mga detalye sa Appendix A – Mga Probisyong Partikular sa Bansa o sa Iyong Resibo. Ang anumang naiiba o karagdagang tuntuning posibleng nalalapat sa Iyo depende sa Bansa ng Pagpapadala, kung mayroon man, ay makikita sa Appendix A – Mga Probisyong Partikular sa Bansa. Nagbibigay rin Kami ng mga karagdagang pinansyal na serbisyo na hindi saklaw ng Mga Tuntuning ito (hal. mga serbisyo ng digital wallet). Para magamit ang mga karagdagang pinansyal na serbisyong ito, posibleng kailangan Mo ring sumang-ayon sa mga karagdagang tuntunin at kondisyong nalalapat sa partikular na serbisyo.

BAHAGI A: INTRODUKSYON

Nalalapat ang Mga Tuntuning ito sa Aming Mga Serbisyo ayon sa nakasaad sa ibaba. Sa pamamagitan ng paggamit sa Aming Mga Serbisyo, kinukumpirma Mo na tinatanggap Mo ang Mga Tuntuning ito at sumasang-ayon Kang sundin ang mga ito. Kung hindi Ka sumasang-ayon sa Mga Tuntuning ito, hindi Mo puwedeng gamitin ang Aming Mga Serbisyo. Inirerekomenda Namin na mag-print o mag-save Ka ng kopya ng Mga Tuntuning ito bilang reference sa hinaharap.

Puwede Naming baguhin o ihinto ang lahat o bahagi ng Mga Serbisyo (kabilang ang access sa pamamagitan ng anumang third-party link); puwede Kaming maningil, magbago, o mag-waive ng ilang partikular na bayaring nauugnay sa Mga Serbisyo; o puwede Kaming mag-alok ng Mga Serbisyo, o ilang partikular na Serbisyo, sa ilan o sa lahat ng user, anumang oras at nang walang pananagutan.

I. KAHULUGAN NG MGA SALITA

Nasa ibaba ang kahulugan ng mga sumusunod na salita. Ang anumang karagdagang salitang bibigyan ng kahulugan ay isusulat nang naka-bracket sa nalalapat na seksyon. Ang mga salitang may salungguhit sa Mga Tuntuning ito ay naglalaman ng mga hyperlink papunta sa higit pang impormasyon.

Ang “Bank Card” ay puwedeng isang debit card o prepaid card at, kung nalalapat, isang credit card (hal. Visa o Mastercard).

Ang “Bill Pay” ay isang serbisyong available sa ilang bansa na nagbibigay-daan sa mga customer na mag-schedule, mag-manage, at magsagawa ng mga pagbabayad sa iba’t ibang biller.

Ang “Card Issuer” ang issuer at ang mag-ari ng Bank Card.

Ang “Location” ay ang mga lugar kung saan Ka puwedeng mag-transfer at tumanggap ng pera, o sa ilang bansa, kung saan Ka puwedeng personal na magbayad ng bill sa Amin. Kasama rito ang iba’t ibang venue gaya ng mga bangko, supermarket, pinansyal na institusyon, postal office, kiosk, at iba pang retailer.

Ang “Mobile Application” ay isang mobile application na ginawa Naming available para magamit ng mga consumer ang Mga Serbisyo Namin.

Ang “Receiver” ay ang recipient na itinalaga ng Sender na tatanggap ng pondo at kasama rito ang Mga Biller sa serbisyong Bill Pay.

Ang “Sender” ay ang indibidwal na nagpasimula ng money transfer o Bill Pay gamit ang Aming Mga Serbisyo.

Ang “Mga Serbisyo” ay mga pinansyal na serbisyong nakasaad sa Bahagi B (I.) ng Mga Tuntuning ito.

Ang “Telephone Money Transfer” ay isang serbisyo kung saan magpapasimula ang isang consumer ng money transfer sa pamamagitan ng pagtawag sa itinalagang numero ng telepono, sa karaniwan ay sa pamamagitan ng pakikipag-usap sa isang kinatawan ng serbisyo sa customer o paggamit ng automated system.

Ang “Transaksyon” ay isang money transfer na sinimulan ng Sender sa pamamagitan ng Aming Mga Serbisyo kapag natanggap na ang valid na bayad mula sa Sender.

Ang “Petsa ng Pagsisimula ng Transaksyon” ay ang petsa kung kailan Mo sinimulan ang isang money transfer o Bill Pay sa pamamagitan ng Aming Mga Serbisyo at inawtorisahan ang request Mo at isinumite para maproseso.

Ang “Website” ay ang website na pinapagana Namin para maibigay ang Aming Mga Serbisyo.

Ang “Ikaw” o “Ka” ay ang bawat sinumang indibidwal na gumagamit sa Aming Mga Serbisyo bilang Sender.

BAHAGI B: MGA PANGKALAHATANG TUNTUNIN NG SERBISYO

I. MGA SERBISYO NAMIN

1. Pangkalahatan. Kasama sa Aming Mga Serbisyo ang internasyonal at domestic na pag-transfer ng pera at mga serbisyo ng Bill Pay (kung legal na pinapayagan at available). Bibigyan ang bawat Transaksyon ng indibidwal na numero ng transaksyon, ang MTCN.

2. Mga Kuwalipikadong User. Para magamit ang Mga Serbisyo, Ikaw ay dapat na (i) nakakatugon sa mga kinakailangan sa minimum na edad at (ii) may legal na kapasidad para pumasok sa mga napagkasunduang kontrata sa Amin sa Bansa ng Pagpapadala sa ilalim ng nalalapat na batas. Natutugunan dapat ng Receiver ang mga kinakailangan sa minimum na edad sa bansa ng Receiver.

3. Money Transfer. Kapag ibinigay Mo ang kinakailangang impormasyon at dokumentasyon at tinanggap Mo ang Mga Tuntuning ito, inaatasan Mo Kaming kumumpleto ng isang partikular na Transaksyon. Ang bawat Transaksyon ay hiwalay na kasunduan sa pagitan Mo at Namin, para lang sa money transfer na iyon. Hindi Kami obligadong mangasiwa ng anumang money transfer sa hinaharap batay sa kasunduang ito.

4. Pag-access sa Mga Serbisyo. Ibinibigay ang Mga Serbisyo sa pamamagitan ng Mga Location, sa Website, sa Mobile Application, o sa serbisyong Telephone Money Transfer. Kung ia-access Mo ang Mga Serbisyo gamit ang isang mobile device o telepono, puwedeng maningil ng mga standard na bayarin, mga data rate, at iba pang bayarin ang Iyong wireless service carrier o mobile network operator.

II. MGA BAYARIN AT PAGBABAYAD

1. Bayarin sa Transfer. Bilang konsiderasyon sa paggamit sa Aming Mga Serbisyo, sumasang-ayon Kang bayaran Kami para sa bawat money transfer na pasisimulan Mo sa rate na nalalapat sa panahong iyon (ang “Bayarin sa Transfer”), at anumang nalalapat na pinapataw na buwis. Ipapaalam sa Iyo ang nalalapat na Bayarin sa Transfer para sa Iyong Transaksyon bago ang pinal Mong awtorisasyon sa Transaksyon, bukod pa sa anumang bayarin para sa anumang karagdagang serbisyo at anumang nalalapat na buwis. Sa ilang partikular na sitwasyon, posibleng napapailalim sa mga lokal na buwis at singil sa serbisyo ang pagbabayad sa isang Receiver ng money transfer.

2. Foreign Exchange. BUKOD PA SA BAYARIN SA TRANSFER, KUMIKITA KAMI KAPAG IPINALIT NAMIN SA BANYAGANG CURRENCY ANG IYONG CURRENCY. Kadalasan, binabayaran ang mga internasyonal na money transfer sa currency o mga currency na pinapayagan ng destinasyong bansa. Kung kailangan ng Transaksyon na i-convert ang Iyong currency sa ibang currency, isasagawa ang conversion sa nalalapat na kasalukuyang rate ng palitan na ipapakita o sasabihin sa Iyo bago ang pinal Mong awtorisasyon sa transfer. Iko-convert ang currency sa panahon ng transfer, at matatanggap ng Receiver ang ipinapakitang halaga sa banyagang currency. Itinatakda ang mga rate ng consumer exchange sa pamamagitan ng pagdaragdag ng margin sa mga interbank rate na available sa Amin sa wholesale market. Nagbabago ang mga rate ng palitan nang ilang beses sa isang araw batay sa mga pandaigdigang pinansyal na merkado. Itinatabi Namin ang diperensya sa pagitan ng rate ng palitan na natanggap Namin at ang rate ng palitan na natanggap Mo. Puwedeng mag-iba ang nalalapat na Bayarin sa Transfer at rate ng palitan depende sa pipiliing currency ng pagbabayad. Para sa mga kasalukuyang rate ng palitan ng currency, pakibisita ang Aming Website o makipag-ugnayan sa Amin gamit ang impormasyon sa pakikipag-ugnayan na nasa ibaba.

May ilang bansa kung saan hinihingi ng mga lokal na batas na i-convert ang currency sa panahong matanggap ito ng Receiver. Kung ganito ang sitwasyon, ang rate ng palitan at ang anumang halagang ipapakita o sasabihin sa Iyo ay posibleng mapailalim sa mga pagtaas-baba ng rate ng palitan mula sa panahong nag-transfer Ka hanggang sa panahong kukunin na ng Receiver ang pondo.

May ilang bansa na pinapayagan ang mga payout sa Mga Receiver sa maraming currency. Kung ganito ang sitwasyon, dapat Mong piliin ang currency ng pagbabayad sa panahon ng Transaksyon Mo. May ilang bansa na pinapayagan ang isang Receiver na tumanggap ng payout sa currency na iba sa Pinili Mo. Sa mga ganitong sitwasyon, posible itong ituring na hiwalay na transaksyon, at posible Kaming kumita nang dagdag kapag na-convert na ang Iyong pondo sa currency na pinili ng Receiver.

3. Mga SMS Notification at Mga Singil. Posibleng available sa Iyo ang SMS (Short Message Service) notification para abisuhan Ka at/o ang Iyong Receiver tungkol sa mahahalagang detalye ng Iyong Transaksyon. Ang mga singil na inilalapat ng isang mobile network operator ay eksklusibong responsibilidad ng Sender o ng Receiver. Wala Kaming responsibilidad sa anumang singil na nauugnay sa mga SMS message. Alinsunod sa nalalapat na batas, ipapadala ang SMS sa mobile number ng Sender at/o Receiver na ibinigay sa oras ng Transaksyon.

4. Paggamit ng Account. Puwede Kang magpadala o tumanggap ng pera mula sa o papunta sa isang account gaya ng bank account, Bank Card, digital wallet, biller, o iba pang uri ng account (isang “Account”). Ang Account ay ibinibigay ng bangko o iba pang provider (isang “Account Provider”) na puwedeng maningil sa Iyo ng dagdag na bayarin. Dapat Mong sundin ang Kasunduan sa Account Provider kapag gumagamit Ka ng Account. Wala Kaming responsibilidad para sa anumang bayarin o problemang dulot ng Account Provider. Kung magpapadala o tatanggap Ka ng pera sa currency na iba sa Account Mo, puwedeng baguhin ng Account Provider ang currency sa sarili nilang rate o puwede nilang tanggihan ang transfer. Tumatanggap lang Kami ng mga pagbabayad at nagpapadala lang Kami ng pera sa Mga Account na ginagamit para sa mga layuning personal at hindi pang-negosyo. Sa pamamagitan ng pagbibigay ng mga tagubilin sa transaksyon, kinukumpirma Mo na para lang sa personal na paggamit ang mga nauugnay na Account. Puwede Kaming gumamit ng ibang paraan para magproseso ng mga transfer papunta o mula sa isang Account. Kung mali ang ibibigay Mo sa Amin na account number o iba pang impormasyon ng Account, ita-transfer Namin ang pera sa account number na ibinigay Mo sa Amin. Wala Kaming responsibilidad para sa anumang pagkakamali ng Account Provider o pagkakamali Mo. Puwede Kaming maningil ng dagdag na bayarin sa Iyo para sa paggamit ng Account; sasabihin Namin sa Iyo ang mga bayarin bago Ka mag-transfer.

Sa pamamagitan ng pagpapasimula ng Transaksyon mula sa isang Account, Ikaw ay (i) nagbibigay ng kumpirmasyon na Ikaw ang may-ari ng Account at may awtoridad Kang magpasimula ng Transaksyon at (ii) nagbibigay ng pahintulot sa Amin na magpasimula ng mga electronic debit at/o credit sa Iyong Account o iproseso at itama ang mga pagkakamali kung hindi makumpleto ang isang Transaksyon.

Wala Kaming magiging pananagutan sa Iyo kung: (1) wala Kang sapat na perang available sa Iyong Account; (2) sarado ang Account Mo o pinaghihigpitan ang mga withdrawal; (3) lumampas ang Transaksyon sa mga limitasyon sa halaga o dalas na inilalapat Namin o ng Iyong Account Provider; (4) may mga magaganap na sirkumstansyang hindi Namin kontrolado (gaya ng baha, sunog, pagkawala ng kuryente, mga mekanikal na pagpalya o pagpalya ng system); (5) hindi kinikilala ng Account Provider Mo ang isang Transaksyon, hindi pinroseso ang Transaksyon, o ibinalik ng Account Provider Mo ang Transaksyon; (6) ang mga tagubilin Mo ay kulang, mali, o nawala o naantala ang transmission ng mga ito sa Amin; (7) hindi Namin naproseso ang Iyong Transaksyon dahil sa isang makatuwirang alalahaning panseguridad o inihinto na o sinuspinde ang opsyon sa Serbisyo, o kung sinabihan Ka Namin na hindi ipoproseso ang Iyong Transaksyon; at (8) iba pang eksepsyong pinapayagan ng batas.

5. Mga Opsyon sa Pagbabayad. Sumasang-ayon Ka na babayaran Mo Kami ng Bayarin sa Transfer at iba pang nalalapat na bayarin para sa bawat Transaksyong pasisimulan Mo gamit ang Aming Mga Serbisyo. Mag-iiba-iba ang mga opsyon sa pagbabayad depende sa Iyong Bansa ng Pagpapadala. Puwede Mong bayaran ang Mga Serbisyo gamit ang isang Bank Card na awtorisado sa Bansa ng Pagpapadala o sa pamamagitan ng iba pang nalalapat na paraan ng pagbabayad. Puwede Ka ring magbayad ng cash sa Location o gamit ang iba pang available na opsyon sa pagbabayad. Dapat bayaran ang kabuuang due bago Namin iproseso ang Transaksyon. Kung magbabayad Ka gamit ang isang Bank Card at wala Kaming natanggap na awtorisasyon mula sa Bank Card Issuer (o Account Provider Mo, para sa Automated Clearing House (“ACH”), o na-clear na pondo sa pamamagitan ng payment ID), hindi ipoproseso ang Transaksyon, at hindi ita-transmit ang pondo sa Receiver. Sa tuwing gagamit Ka ng Iyong Bank Card o ACH para bayaran ang Mga Serbisyo, sumasang-ayon Ka na awtorisado Kaming singilin ang itinalaga Mong Bank Card o nalalapat na Account para sa kabuuang dapat bayaran (kabilang ang principal na halaga, ang Bayarin sa Transfer, mga singil na nauugnay sa mga rate ng palitan, at anupamang nalalapat na bayarin o buwis).

III. MGA PAY OUT NG TRANSAKSYON

1. Mga Paraan ng Payout. Ginagawa Naming available ang iba’t ibang paraan para matanggap ng Receiver ang mga pondo, kabilang ang, pero hindi limitado sa, cash sa isang Location, direkta sa isang debit card, bank account o digital wallet, kung available. Sa ilang bansa, may opsyon ang Receiver na mamili ng paraan ng pagtanggap sa pondo na iba sa paraang pinili ng Sender o magpalit ng currency ng pay-out. Pinapahintulutan Kami ng Sender na kilalanin ang pinili ng Receiver na paraan ng pagtanggap ng pondo o currency ng pay-out kahit iba ito sa mga tagubilin ng Sender. Napapailalim ang lahat ng paraan ng payout sa pagiging available sa bansa at Location ng Receiver.

2. Pagtukoy sa Iyong Receiver. Para mapatunayang ang isang indibidwal ay ang nilalayon Mong Receiver kapag kinuha niya ang cash sa isang Location, handa dapat ang Receiver Mo na ibigay ang kanyang buong pangalan, isang dokumento ng identipikasyon, pangalan Mo, ang MTCN, at ang tinatayang halaga ng transfer. Sa ilang bansa, puwede Kang magdagdag ng pansubok na tanong. Kung gagawin Mo ito, ibigay ang sagot sa tanong sa Receiver Mo. Puwede rin Naming hingian ng iba pang impormasyon ang Receiver. Ibibigay ang payout ng Transaksyon sa taong sa tingin Namin ay karapat-dapat matanggap ito batay sa mga impormasyon at dokumentong ibibigay ng Receiver. Hindi Namin ive-verify ang mga detalye ng address ng Receiver. Puwede Naming bayaran ang Receiver kahit ang pangalang ibinigay Mo at pangalang nasa dokumento ng identipikasyon ng Receiver Mo ay may mga kaunting pagkakaiba (pero wala Kaming obligasyong magbayad kung magkaiba ang pangalan). Kung magpapasya Kaming hindi sapat ang ibinigay na impormasyon, hindi Namin ibibigay ang pay out at magiging available ang transfer para i-refund sa Iyo. Para sa mga transaksyong ipapadala sa isang bank account, o sa isang digital wallet, ita-transfer Namin ang pondo sa account na tinukoy Mo. Kung may hindi pagkakatugma sa holder ng account number (kabilang ang mga numero ng mobile phone o iba pang impormasyong ibinigay Mo para tukuyin ang account ng Receiver) at sa pangalan ng nilalayong Receiver, ike-credit ang transfer sa account number na ibinigay Mo. Pakitingnan ang katumpakan ng mga numerong ibibigay Mo dahil doon Kami nakabatay.

IV. MGA PAGHIHIGPIT

1. Pagiging Available. Puwedeng mag-iba ang pagiging available ng Mga Serbisyo ayon sa bansa at hurisdiksyon at puwede itong mabago. Maraming salik ang puwedeng makaimpluwensya sa pagiging available ng Serbisyo, kabilang ang partikular na Serbisyong pinili, anumang opsyon para sa delayed delivery, mga espesyal na tuntuning naaangkop sa bawat Serbisyo, ang halagang ipinadala, ang destinasyong bansa, pagiging available ng currency, mga isyu sa regulasyon o proteksyon sa consumer, mga kinakailangan sa identipikasyon, mga paghihigpit sa delivery, mga oras ng Location, at mga pagkakaiba sa mga time zone.

2. Mga Ipinagbabawal na Indibidwal o Transaksyon. Alinsunod sa mga legal na kinakailangan, ipinagbabawal sa Amin na makipagtransaksyon sa ilang partikular na indibidwal o sa ilang partikular na bansa, at sinasala Namin ang Mga Transaksyon gamit ang isang listahan ng mga tinukoy na taong napapailalim sa mga parusang ipinataw ng iba’t ibang entity ng pamahalaan, kabilang ang Estados Unidos, European Union, at UK. Kung tutugma Ka o ang Receiver Mo sa listahan, hihingian Ka Namin ng karagdagang impormasyon para i-validate na ang pagkakakilanlan Mo o ng Iyong Receiver ay hindi kapareho ng tinukoy na tao. Posibleng kasama rito ang lugar at petsa ng kapanganakan at mga dokumento ng identipikasyon. Magdudulot ng pagkaantala ng Transaksyon ang pagtutukoy ng tugma. Puwedeng hilingin sa Amin na i-freeze ang pondo Mo alinsunod sa batas.

3. Pinapahintulutang Paggamit. Kung magsasagawa Ka o magtatangka Kang magsagawa ng anumang Transaksyong labag sa Mga Tuntuning ito o sa Aming mga patakaran (kabilang ang mga patakaran sa pag-iwas sa panloloko, money laundering, o pagpipinansya ng terorismo), o kung kikilos Ka nang may mapanlokong intensyon o kung tutulong Ka sa maling paggamit sa data ng Transaksyon nang sinasadya o nang may matinding kapabayaan, puwede Naming ipagkait sa Iyo ang bahagi o ang kabuuan ng Aming Mga Serbisyo; at may karapatan Kaming gamitin ang alinman sa Aming mga karapatang nakalaan sa Mga Tuntuning ito; at/o iulat ang Transaksyon sa nauugnay na ahensyang tagapagpatupad ng batas; at/o habulin ang lahat ng pagkalugi o danyos mula sa Iyo para sa anumang hindi awtorisadong Transaksyon. Sa partikular, huwag gamitin ang Aming Mga Serbisyo para lumabag sa anumang batas, kabilang ang mga sumusunod pero hindi limitado sa mga ito: (i) magpondo ng terorismo, (ii) mag-money laundering, (iii) magbayad ng mga telemarketer (U.S. lang), (iii) bumili ng mga produktong tabako o (iv) magtaguyod ng anumang krimen kabilang ang panloloko, pagnanakaw, o ilegal na pagsusugal. Hindi Kami provider ng serbisyong escrow. Huwag gamitin ang Mga Serbisyo para mag-escrow ng pondo. Kung ipagkakait Namin ang Aming Mga Serbisyo (bahagi man nito o ang kabuuan) sa Iyo para sa anumang dahilan sa itaas, aabisuhan Ka Namin, kung posible, at ibibigay Namin ang mga dahilan ng Aming pagtanggi maliban kung pinagbabawalan Kaming gawin ito dahil sa batas o seguridad. Sa pamamagitan ng paggamit sa Aming Mga Serbisyo, pinatutunayan Mo na ang Iyong paggamit at ang paggamit ng Receiver Mo ay naaayon sa batas, pinapahintulutan, at hindi labag sa mga tuntuning ito.

V. PRIVACY

Napakahalaga sa Amin ang pagprotekta sa Iyong privacy. Pakibasa ang Pandaigdigang Pahayag sa Privacy ng Western Union para mas maunawaan ang pagtuon Namin sa pagpapanatili sa Iyong privacy, pati na ang paggamit at pagbabahagi Namin sa Iyong impormasyon.

VI. MGA LIMITASYON NG PANANAGUTAN

HINDI KAMI MANANAGOT PARA SA MGA DANYOS DAHIL SA PAGKAANTALA, HINDI PAGBABAYAD, O KAKULANGAN SA PAGBABAYAD SA MONEY TRANSFER NA ITO, O HINDI PAGHAHATID NG ANUMANG KARAGDAGANG MENSAHE, DULOT MAN ITO NG KAPABAYAAN SA PANIG NG AMING MGA EMPLEYADO O PARTNER O KUNG HINDI MAN, NANG LAMPAS SA KABUUANG KATUMBAS NG US$500 (BILANG KARAGDAGAN SA PAGRE-REFUND NG PRINCIPAL NA HALAGA NG MONEY TRANSFER AT BAYARIN SA TRANSFER), MALIBAN KUNG IPINAGBABAWAL NG LOKAL NA BATAS. HINDI KAMI MANANAGOT PARA SA ANUMANG HINDI DIREKTA, ESPESYAL, INSIDENTAL, O KONSEKWENSYAL NA DANYOS. SA KABILA NG MGA NABANGGIT, HINDI NAMIN IBINUBUKOD ANG PANANAGUTAN PARA SA ANUMANG KONDISYON O WARRANTY NA HINDI MAIBUBUKOD AYON SA BATAS KABILANG ANG ANUMANG IPINAHIWATIG NA WARRANTY NA IPAGKAKALOOB NAMIN ANG MGA SERBISYO NANG MAY KARAMPATANG PAG-IINGAT AT HUSAY. ANG PANANAGUTAN NAMIN PARA SA PAGLABAG SA NATURANG KONDISYON O WARRANTY AY LIMITADO SA KUNG ALIN ANG MAS MALAKI SA GASTOS SA MULING PAGBIBIGAY NG APEKTADONG SERBISYO AT SA KABUUANG KATUMBAS NG US$500, MALIBAN KUNG IPINAGBABAWAL NG LOKAL NA BATAS.

Posibleng may mga karagdagan Kang karapatan sa ilalim ng Iyong mga lokal na batas, KABILANG ANG MGA BAYARIN SA ABOGADO AT MGA GASTOS SA PAGHAHAIN NG DISPUTE, at puwede MONG i-explore ang mga karapatang iyon.

HINDI NAMIN GINAGARANTIYA ANG PAGHAHATID O ANG KAAKMAAN NG ANUMANG PRODUKTO O SERBISYONG BINAYARAN GAMIT ANG AMING MGA SERBISYO SA MONEY TRANSFER.

VII. MGA REKLAMO, NALALAPAT NA BATAS, MGA DISPUTE

1. Pagpili ng Batas at Paglutas ng Dispute. Ang Mga Tuntuning ito at ang anumang Transaksyon ay napapailalim sa mga batas ng Bansa ng Pagpapadala. Ang anumang dispute sa ilalim ng Mga Tuntuning ito o nauugnay sa anumang Transaksyon ay puwedeng ihain ng Sender sa mga korte o iba pang kinikilalang forum sa paglutas ng dispute ng naturang bansa, kabilang ang pag-refer ng usapin sa isang independiyenteng organisasyon o ombudsman para sa resolusyon. Kung magkakaroon ng anumang salungatan sa pagitan ng Mga Tuntuning ito at nalalapat na batas, mananaig ang nalalapat na batas.

2. Mga Reklamo. Kung may reklamo Ka tungkol sa Aming Mga Serbisyo, kabilang ang mga refund, pakibisita ang Aming page ng Customer Care, kung saan makikita Mo ang lahat ng detalye at opsyon sa pakikipag-ugnayan na partikular sa Bansa Mo. Puwede Ka Naming kontakin kung kailangan ng karagdagang impormasyon. Masusi Naming iimbestigahan ang usapin at magbibigay Kami sa Iyo ng detalyadong sagot.

VIII. BAYAD-PINSALA

Sumasang-ayon Kang magbayad-pinsala sa Amin at ipawalang-sala Kami, ang Aming mga supplier, vendor, service provider, at kani-kanilang subsidiary, affiliate, opisyal, direktor, agent, partner, empleyado, at consultant mula sa anumang habol o demanda, kabilang ang mga makatuwirang bayarin sa abogado, na isinagawa ng sinumang third party dahil sa o kaugnay ng maling paggamit Mo sa Aming Mga Serbisyo, paglabag Mo sa Mga Tuntuning ito o sa anumang batas, o sa paglabag Mo sa anumang karapatan ng isang third party.

IX. PAGKANSELA AT MGA REFUND

Alinsunod sa nalalapat na batas, puwede Kang magkansela ng Transaksyon kapalit ng refund, maliban kung nakuha o naideposito na ang pondo noong natanggap Namin ang nakasulat Mong kahilingan. Ang mga kahilingan sa refund na natanggap sa loob ng 30 araw mula sa orihinal na petsa ng pagsisimula ng Transaksyon ay magiging kuwalipikado sa pagbabalik ng halaga ng transfer at mga binayarang bayarin. Ang mga refund na hiniling pagkalipas ng 30 araw mula sa orihinal na petsa ng pagsisimula ng Transaksyon ay magiging kuwalipikado lang sa pagbabalik ng halaga ng transfer. Kung nakapangolekta Kami ng mga buwis, ire-refund ang mga buwis maliban kung iba ang hinihingi ng batas o lokal na kasanayan.

X. CUSTOMER CARE

Kung may makikita Kang mga error o kung makakaranas Ka ng mga problema sa Aming Mga Serbisyo o kung hindi Ka nasisiyahan sa Aming Mga Serbisyo, pakibisita ang Aming page ng Customer Care. Sisiyasatin ng Aming kinatawan ang mga alalahanin Mo sa paraang patas at maagap.

XI. IBA PANG IMPORMASYON

1. Pagtatalaga. Alinsunod sa nalalapat na batas, puwede Naming italaga ang Mga Tuntuning ito sa isang third party nang wala ang Iyong pahintulot.

2. Kabuuang Kasunduan. Ang Mga Tuntuning ito ang kabuuang kasunduan sa pagitan Mo at Namin at sinasapawan nito ang anumang naunang kasunduang posibleng mayroon sa pagitan Mo at Namin.

3. Wika. Posibleng ibigay ang Mga Tuntuning ito sa iba’t ibang wika para sa Iyong kaginhawahan. Kung magkakaroon ng anumang pagkakaiba, ang Ingles na bersyon ang mananaig, kung papahintulutan ng naaangkop na batas.

4. Walang Waiver. Nalalapat pa rin ang Mga Tuntuning ito kahit invalid, labag sa batas, o hindi maipapatupad ang isa o higit pa sa mga probisyon. Hindi maaapektuhan ang pagiging valid ng natitirang bahagi ng mga probisyon.

5. Force Majeure. Hindi Kami mananagot para sa anumang pagpalya o pagkaantala sa pagsasagawa ng Mga Serbisyo kung ang naturang pagpalya o pagkaantala ay dulot ng mga usaping hindi Namin makatuwirang kontrolado, kabilang nang walang limitasyon ang: mga pagbabago sa mga nalalapat na batas; pagsasara o hindi pagiging available ng kinakailangang pisikal na imprastruktura at imprastruktura ng network; sovereign default; pagpalya ng kuryente o internet; kaguluhang sibil; digmaan; at lindol, sunog, baha, o iba pang natural na sakuna.

6. Pag-aalis. Kung mapagpapasyahan ng isang korteng may legal na hurisdiksyon na invalid, labag sa batas, o hindi maipapatupad ang anumang bahagi ng Mga Tuntuning ito, aalisin ang naturang bahagi at patuloy na magiging valid at maipapatupad ang natitirang bahagi ng Mga Tuntunin sa sukdulang sakop na pinapahintulutan ng batas.

7. Iba Pang Tuntunin. Puwedeng dagdagan ang Mga Tuntuning ito ng mga tuntuning nalalapat sa mga promosyon, referral program, at iba pang tuntuning nauugnay sa Iyo batay sa Iyong paggamit ng iba pa Naming produkto at serbisyo. Kung magiging salungat ang mga tuntuning ito sa Mga Tuntuning ito, mananaig ang Mga Tuntuning ito.