Вы заключаеце пагадненне ў адпаведнасці з гэтымі Умовамі грашовых пераводаў (далей – «Умовы») з ліцэнзаваным філіялам Western Union (паасобку – «Арганізацыя Western Union» і разам – «Арганізацыі Western Union») або ліцэнзаваным партнёрам, прадстаўніком ці агентам (далей –«Партнёр») (словы «Мы», «Наш» або «Нас» адносяцца да адпаведнай арганізацыі (або) яго партнёра Western Union), які прапануе Паслугі па сваёй ліцэнзіі ў супрацоўніцтве з Арганізацыяй Western Union у мэтах аказання нашых Паслуг у краіне, з якой Вы адпраўляеце Трансакцыю («Краіна адпраўкі»). Вы ўзаемадзейнічаеце з Арганізацыяй/Арганізацыямі Western Union ці з Партнёрам, да якога звярнуліся за атрыманнем нашых Паслуг. Падрабязную інфармацыю можна знайсці ў Дадатку A – Палажэнні для канкрэтных краін ці ў Вашай Квітанцыі. Любыя адрозныя або дадатковыя ўмовы, прымянімыя да вашых аперацый ў залежнасці ад Краіны адпраўкі, пры іх наяўнасці, можна знайсці ў Дадатку A – Палажэнні для канкрэтных краін. Мы таксама аказваем дадатковыя фінансавыя паслугі, якія не падпадаюць пад дзеянне гэтых Умоў (напр., паслугі лічбавых кашалькоў). Выкарыстанне дадатковых фінансавых паслуг можа патрабаваць ад Вас згодны з дадатковымі ўмовамі, прадугледжанымі для кожнай з іх.

ЧАСТКА A: УВОДЗІНЫ

Гэтыя Умовы прымяняюцца да нашых апісаных ніжэй Паслуг. Выкарыстоўваючы нашы Паслугі, Вы пацвярджаеце, што прымаеце гэтыя Умовы і абавязваецеся іх выконваць. У выпадку нязгоды з гэтымі Умовамі Вы не зможаце карыстацца нашымі Паслугамі. Мы рэкамендуем Вам раздрукаваць або захаваць копію гэтых Умоў для далейшага выкарыстання.

Мы пакідаем за сабой права ў любы момант і без абавязацельстваў са свайго боку змяняць або поўнасцю/часткова спыняць аказанне Паслуг (у тым ліку доступ праз староннія спасылкі); уводзіць, змяняць або скасоўваць пэўныя камісіі, звязаныя з Паслугамі, а таксама прапаноўваць Паслугі (або іх частку) усім або некаторым карыстальнікам.

I. ТЭРМІНЫ І АЗНАЧЭННІ

Ніжэйзгаданыя тэрміны азначаюць наступнае. Усе дадатковыя тэрміны, якія патрабуюць азначэння, будуць прыведзены ў дужках у адпаведным раздзеле. Словы, вылучаныя падкрэсліваннем у гэтых Умовах, утрымліваюць гіперспасылкі, якія вядуць на дадатковыя крыніцы інфармацыі.

«Банкаўская картка» – дэбетовая або перадаплачаная картка, а таксама, калі дастасоўна, крэдытная картка (напр., Visa або Mastercard).

«Аплата праз уключэнне ў рахунак» – даступная ў некаторых краінах паслуга, якая дазваляе кліентам планаваць і здзяйсняць плацяжы розным пастаўшчыкам паслуг і кіраваць гэтымі плацяжамі.

«Эмітэнт карткі» – арганізацыя, якая выпусціла Банкаўскую картку і з’яўляецца яе ўладальнікам.

«Аддзяленне» – месца, дзе Вы можаце адпраўляць або атрымліваць грашовыя пераводы, а ў некаторых краінах – аплачваць рахункі ў Нас пры асабістым візіце. Сюды ўваходзіць шырокі спектр пунктаў, такіх як банкі, супермаркеты, фінансавыя ўстановы, паштовыя аддзяленні, кіёскі і іншыя рознічныя пункты продажу.

«Мабільная праграма» – мабільная праграма, якую Мы прапануем карыстальнікам для доступу да Паслуг.

«Атрымальнік» – асоба, якая паводле указання Адпраўшчыка павінна атрымаць грашовыя сродкі, а таксама Пастаўшчыкі паслуг ў рамках Аплаты праз уключэнне ў рахунак.

«Адпраўшчык» – асоба, якая ініцыявала грашовы перавод або Аплату праз уключэнне ў рахунак з выкарыстаннем Нашых Паслуг.

«Паслугі» – фінансавыя паслугі, апісаныя ў Частцы B (I.) гэтых Умоў.

«Тэлефонны грашовы перавод» – паслуга, у рамках якой спажывец ініцыюе перавод грашовых сродкаў пры дапамозе званка на ўказаны нумар тэлефона. Звычайна пры гэтым ён размаўляе са службай падтрымкі або выкарыстоўвае аўтаматычную сістэму.

«Трансакцыя» – грашовы перавод, які Адпраўшчык ініцыюе з дапамогай Нашых Паслуг пасля атрымання ад Адпраўшчыка аплаты, якая адпавядае патрабаванням.

«Дата ініцыявання трансакцыі» – дата, калі Вы ініцыюеце грашовы перавод або Аплату праз уключэнне ў рахунак праз Нашы Паслугі і ваш запыт пацвярджаецца і перадаецца на апрацоўку.

«Вэб-сайт» – сайт, пры дапамозе якога Мы аказваем Нашы Паслугі.

«Вы» або «Вашы» – тычыцца любой фізічнай асобы, якая выкарыстоўвае Нашы Паслугі ў якасці Адпраўшчыка.

ЧАСТКА B: АГУЛЬНЫЯ ЎМОВЫ АКАЗАННЯ ПАСЛУГІ

I. НАШЫ ПАСЛУГІ

1. Агульныя палажэнні. Да нашых Паслуг належаць міжнародныя і ўнутраныя грашовыя пераводы, а таксама Аплата праз уключэнне ў рахунак (пры наяўнасці гэтай паслугі і ў адпаведнасці з заканадаўствам пэўнай краіны). Кожнай Трансакцыі прысвойваецца ўнікальны нумар трансакцыі – MTCN.

2. Патрабаванні да Карыстальнікаў Каб карыстацца Паслугамі, Вам неабходна (i) адпавядаць мінімальным узроставым патрабаванням; і (ii) быць правамоцным заключаць з Намі юрыдычна абавязковыя пагадненні ў Краіне адпраўкі ў адпаведнасці з прымянімым заканадаўствам. Атрымальнік павінен адпавядаць мінімальным узроставым патрабаванням у краіне Адпраўшчыка.

3. Грашовы перавод. Падаючы неабходную інфармацыю і дакументы і прымаючы гэтыя Умовы для здзяйснення грашовага пераводу, Вы даручаеце Нам выканаць пэўную Трансакцыю. Кожная Трансакцыя з’яўляецца асобным пагадненнем паміж Вамі і Намі, заключаным выключна для здзяйснення ўказанага грашовага пераводу. Гэта пагадненне не накладае на Нас абавязацельстваў па апрацоўцы будучых грашовых пераводаў.

4. Доступ па Паслуг. Паслугі аказваюцца ў Аддзяленнях, на Вэб-сайце, праз Мабільную праграму або па тэлефоне, праз Тэлефонны грашовы перавод. Пры доступе да Паслуг з мабільнай прылады або тэлефона Ваш аператар бесправадной сувязі можа спаганяць стандартную плату, плату за перадачу даных і іншыя зборы.

II. КАМІСІІ І АПЛАТА

1. Камісія за перавод. За карыстанне Нашымі Паслугамі Вы пагаджаецеся аплачваць Нам камісію за кожны грашовы перавод, які Вы ініцыюеце, згодна з бягучым на момант пераводу тарыфам (далей – «Камісія за перавод»), а таксама ўсе прымянімыя падаткі. Мы паведамім Вам пра адпаведны памер Камісіі за перавод па Вашай Трансакцыі да канчатковага пацвярджэння Трансакцыі, у дадатак да інфармацыі пра памер збораў за дадатковыя паслугі і прымянімыя падаткі. У некаторых выпадках выплата грашовага пераводу Атрымальніку можа абкладацца мясцовымі падаткамі і камісіямі за абслугоўванне.

2. Абмен валюты. АПРОЧ КАМІСІІ ЗА ПЕРАВОД, МЫ СПАГАНЯЕМ КАМІСІЮ ЗА КАНВЕРТАЦЫЮ ВАШАЙ ВАЛЮТЫ Ў ЗАМЕЖНУЮ ВАЛЮТУ. Выплата міжнародных грашовых пераводаў звычайна здзяйсняецца ў валюце (валютах), дазволенай у краіне прызначэння. Калі для здзяйснення Трансакцыі спатрэбіцца канвертацыя Вашай валюты ў іншую, яна будзе праведзена па бягучым курсе, які мы паведамім Вам да канчатковага пацвярджэння Вамі пераводу. Валюта будзе канверсавана ў момант пераводу, а Атрымальнік атрымае суму замежнай валюты, паказаную падчас працэсу пераводу. Абменныя курсы для кліентаў фарміруюцца шляхам дадавання нашай нацэнкі да міжбанкаўскіх курсаў, якія Мы атрымліваем на аптовым фінансавым рынку. Абменныя курсы змяняюцца некалькі разоў на дзень у адпаведнасці з дынамікай сусветных фінансавых рынкаў. Мы ўтрымліваем розніцу паміж абменным курсам, які даступны Нам, і абменным курсам, які даступны Вам. Памеры Камісіі за перавод і абменны курс могуць адрознівацца ў залежнасці ад выбранай валюты плацяжу. Каб даведацца бягучыя абменныя курсы, наведайце Наш Вэб-сайт або звяжыцеся з Намі па ўказаных ніжэй кантактах.

Мясцовыя законы асобных краін прадпісваюць канверсаваць валюту непасрэдна пры выдачы сродкаў Атрымальніку. У такім выпадку абменны курс і любыя сумы, якія Вам паказалі або пра якія паведамілі, могуць змяніцца з-за ваганняў курсу валют, які адбыліся паміж адпраўкай пераводу і атрыманнем сродкаў Атрымальнікам.

У некаторых краінах Атрымальнікі могуць атрымліваць выплаты ў некалькіх валютах. У такім выпадку Вам трэба выбраць валюту плацяжу ў момант здзяйснення Вашай Трансакцыі. Некаторыя краіны даюць Атрымальніку магчымасць атрымаць выплату ў валюце, адрознай ад той, што выбралі Вы. У такіх выпадках гэта можа быць расцэнена як асобная трансакцыя, і Мы можам зарабіць дадаткова пры абмене Вашых сродкаў на валюту, выбраную Атрымальнікам.

3. SMS-паведамленні і Аплата. Мы можам адпраўляць тэкставыя паведамленні (SMS), каб інфармаваць Вас і (або) Вашага Атрымальніка аб важных дэталях Вашай Трансакцыі. Аплата, якую спаганяе аператар мабільнай сувязі, спаганяецца выключна з Адпраўшчыка або Атрымальніка. Western Union не нясе адказнасці за плацяжы, звязаныя з SMS-паведамленнямі. У залежнасці ад прымянімага заканадаўства, SMS-паведамленні будуць адпраўляцца на нумар мабільнага тэлефона Адпраўшчыка і (або) Атрымальніка, які быў указаны падчас Трансакцыі.

4. Выкарыстанне рахункаў. Вам можа быць даступная адпраўка грашовых сродкаў з рахунку або іх атрыманне на рахунак, напрыклад, банкаўскі рахунак, рахунак Банкаўскай карткі, лічбавага кашалька, рахунак пастаўшчыка паслуг або іншы тып рахунку (далей – «Рахунак»). Рахунак вядзецца ў банку або іншай арганізацыі (далей – «Пастаўшчык рахунку»), якая можа спаганяць з Вас дадатковыя камісіі. Пры выкарыстанні Рахунку Вы павінны выконваць Умовы пагаднення з Пастаўшчыком рахунку. Мы не нясём адказнасць за любыя камісіі і праблемы, якія ўзніклі праз Пастаўшчыка рахунку. Пры адпраўцы або атрыманні грошай у валюце, адрознай ад валюты вашага Рахунку, Пастаўшчык рахунку можа здзейсніць канвертацыю па сваім курсе або адхіліць перавод. Мы прымаем і адпраўляем грашовыя пераводы толькі з асабістых Рахункі (на асабістыя Рахункі), не прызначаныя для вядзення бізнесу. Даючы нам даручэнні па выкананні трансакцыі, Вы пацвярджаеце, што ўказаныя Рахункі выкарыстоўваюцца выключна ў асабістых мэтах. Мы можам апрацоўваць пераводы на Рахунак або з Рахунку рознымі спосабамі. Калі вы дасце Нам нумар рахунку або іншую інфармацыю аб Рахунку з памылкай, грашовы перавод будзе зроблены на ўказаны Вамі Рахунак. Мы не нясём адказнасці за дапушчаныя вамі ці Пастаўшчыком рахунку памылкі. За выкарыстанне Рахунку можа спаганяцца дадатковая камісія; Мы паведамім Вам аб памеры камісіі да здзяйснення пераводу.

Ініцыюючы Трансакцыю са свайго рахунку, Вы (i) пацвярджаеце, што з’яўляецеся ўладальнікам Рахунку і маеце права ініцыяваць Трансакцыю, і (ii) дазваляеце Нам ініцыяваць электронныя спісанні і (або) залічэнні на Ваш Рахунак, а таксама апрацоўваць і выпраўляць памылкі, калі Трансакцыя не можа быць выканана.

Мы не нясём адказнасці, калі: (1) на Вашым Рахунку недастаткова сродкаў; (2) Ваш Рахунак закрыты або на зняцце сродкаў накладзены абмежаванні; (3) сума і частата Трансакцый перавышае ліміты, ўстаноўленыя Намі або Вашым Пастаўшчыком рахунку; (4) узнікаюць абставіны, на якія Мы не можам уплываць (напр. паводка, пажар, адключэнне электраэнергіі, механічныя або сістэмныя збоі); (5) Ваш Пастаўшчык рахунку не ўхваляе Трансакцыю, Трансакцыя не апрацоўваецца або вяртаецца да Нас Вашым Пастаўшчыком рахунку; (6) Вашы даручэнні былі няпоўнымі, няправільнымі, згубіліся або затрымаліся пры перадачы Нам; (7) Мы адмовілі ў апрацоўцы Трансакцыі з абгрунтаваных меркаванняў бяспекі, або варыянт Паслугі часова была скасаваны (прыпынены), або Мы іншым спосабам паінфармавалі Вас пра тое, што Трансакцыя не будзе апрацавана; (8) узнікаюць іншыя выключныя сітуацыі, прадугледжаныя заканадаўствам.

5. Варыянты аплаты. Вы згаджаецеся аплачваць Нам Камісію за перавод і іншыя прымянімыя зборы за кожную Трансакцыю, якую Вы ініцыюеце з дапамогай Нашых Паслуг. Варыянты аплаты залежаць ад Краіны адпраўкі. Вы можаце аплаціць Паслугі з дапамогай Банкаўскай карткі, дазволенай у Краіне адпраўкі, або іншых даступных спосабаў аплаты. Вы таксама можаце плаціць наяўнымі грашыма у Аддзяленні або скарыстаць іншыя даступныя варыянты аплаты. Мы апрацуем Трансакцыю толькі пасля атрымання поўнай аплаты. Пры аплаце Банкаўскай карткай, калі Мы не атрымаем пацвярджэнне аўтарызацыі ад Эмітэнта карткі (або Вашага Пастаўшчыка рахунку ў выпадку Аўтаматызаванай клірынгавай палаты –«ACH»),або пацверджаныя сродкі (фінансава завершаны плацеж) праз ідэнтыфікатар плацяжу), Трансакцыя не будзе апрацавана, а сродкі не будуць пераведзены Атрымальніку. Кожны раз, калі для аплаты Паслуг Вы выкарыстоўваеце сваю Банкаўскую картку або ACH, Вы пагаджаецеся з тым, што Нам дазволена браць поўную плату з прызначанай вамі Банкаўскай карткі або адпаведнага Рахунку (у тым ліку, асноўную суму, камісію за перавод, плату, звязаную з абменнымі курсамі, і любыя іншыя прымянімыя камісіі і падаткі).

III. ВЫПЛАТЫ ПА ТРАНСАКЦЫЯХ

1. Спосабы аплаты. Мы дазваляем розныя спосабы атрымання сродкаў Атрымальнікам, у прыватнасці, наяўнымі грашыма ў Аддзяленні, пераводам на дэбетовую картку, банкаўскі рахунак або лічбавы кашалёк, пры наяўнасці. У некаторых краінах Атрымальніку можа быць дазволена выбраць спосаб атрымання сродкаў, адрозны ад таго, што выбраў Адпраўшчык, або змяніць валюту для выплаты. Адпраўшчык дазваляе Нам ухваляць спосаб атрымання сродкаў або валюту выплаты, якія выбера Атрымальнік, нават калі гэты спосаб або валюта не тыя, што былі ўказаны Адпраўшчыкам. Спосабы аплаты даступныя ў залежнасці ад краіны Атрымальніка і Аддзялення.

2. Пацвярджэнне асобы Атрымальніка. Каб атрымаць высланыя Вамі грошы ў Аддзяленні, адпаведная асоба павінна спраўдзіць, што яна – ўказаны Вамі Атрымальнік, а для гэтага – прад’явіць пасведчанне асобы, паведаміць поўнае імя, Ваша імя, нумар MTCN і прыблізную суму пераводу. У некаторых краінах у Вас можа быць магчымасць дадаць тэставае пытанне. Калі вы дадасце такое пытанне, паведаміце адказ на яго Атрымальніку. Таксама мы можам запатрабаваць ад Атрымальніка падаць іншую інфармацыю. Трансакцыя будзе выплачана асобе, якую Мы прызнаем упаўнаважанай для атрымання сродкаў на падставе той інфармацыі і тых дакументаў, якія падасць нам Атрымальнік. Мы не будзем правяраць звесткі пра адрас Атрымальніка. Мы можам зрабіць выплату Атрымальніку нават калі імя, указанае ў яго пасведчанні асобы нязначна адрозніваецца ад імя, якое ўказалі Вы (але ў Нас няма абавязку рабіць выплату, калі імя адрозніваецца). Калі Мы вырашым, што пададзенай інфармацыі недастаткова, Мы адмовім у выплаце і Вы зможаце вярнуць перавод. У выпадку трансакцый з адпраўленнем на банкаўскі рахунак або на лічбавы кашалёк, Мы зробім перавод сродкаў на ўказаны Вамі рахунак. Пры несупадзенні імя Атрымальніка з імем уладальніка рахунку, названага па нумары (у тым ліку па нумары мабільнага тэлефона або іншых рэквізітах, пададзеных для ідэнтыфікацыі рахунку Атрымальніка), перавод будзе залічаны на ўказаны Вамі нумар рахунку. Правярайце дакладнасць лічбаў, якія Вы падаяце, бо Мы абапіраемся на іх.

IV. АБМЕЖАВАННІ

1. Даступнасць. Даступнасць Паслуг можа адрознівацца ў залежнасці ад краіны і юрысдыкцыі і змяняцца. На даступнасць Паслугі ўплывае некалькі фактараў, у тым ліку выбар канкрэтнай паслугі, варыянты дастаўкі з затрымкай, спецыяльныя ўмовы для кожнай Паслугі, адпраўленая сума, краіна прызначэння, даступнасць валюты, праблемы з дзяржаўнымі органамі і абаронай правоў спажыўцоў, патрабаванні да ідэнтыфікацыі, абмежаванні па дастаўцы, час працы Аддзяленняў, а таксама розніца ў часавых паясах.

2. Забароны адносна асоб і трансакцый. Згодна з патрабаваннямі заканадаўства, нам забаронена весці справы з пэўнымі асобамі або ў пэўных краінах, таму Мы звяраем Трансакцыі адносна спіса адабраных асоб, на якіх накладзены санкцыі рознымі дзяржаўнымі ўтварэннямі, у тым ліку Злучанымі Штатамі Амерыкі, Еўрапейскім Саюзам і Вялікабрытаніяй. Калі ёсць імавернасць, што Ваша асоба або асоба Вашага Атрымальніка супала з асобай са спіса, Мы запытаем у Вас дадатковую інфармацыю, каб праверыць, ці не з’яўляецеся Вы або ваш Атрымальнік гэтай асобай. Пры гэтым мы можам запытаць месца і дату нараджэння, а таксама пасведчанні асобы. Вызначэнне сапраўднасці супадзення можа затрымаць выкананне Трансакцыі. У адпаведнасці з заканадаўствам нам можа спатрэбіцца замарозіць Вашы сродкі.

3. Дапушчальнае выкарыстанне. Калі вы праводзіце або спрабуеце правесці нейкую Трансакцыю ў парушэнне гэтых Умоў або нашых правіл (уключаючы правілы, скіраваныя на прадухіленне махлярства, адмывання грошай або фінансавання тэрарызму), або калі Вы дзейнічалі з ашуканскімі намерамі ці наўмысна або па грубай неасцярожнасці паўдзельнічалі ў злоўжыванні данымі Трансакцыі, Мы можам цалкам або часткова адмовіць Вам у аказанні нашых Паслуг; таксама за Намі павінны захоўвацца паўнамоцтвы ажыццяўляць любыя свае правы, указаныя ў гэтых Умовах; і (або) паведаміць пра гэту Трансакцыю адпаведным праваахоўным органам; і (або) заявіць Вам прэтэнзію адносна любых страт і шкод ад несанкцыянаванай Трансакцыі. У прыватнасці, не выкарыстоўвайце Нашы Паслугі для парушэння законаў, напрыклад для: (i) фінансавання тэрарызму; (ii) адмывання грошай; (iii) платы тэлефонным агентам (толькі ЗША); (iii) куплі тытунёвых вырабаў, або; (iv) садзейнічання злачыннай дзейнасці, у тым ліку махлярству, крадзяжу або незаконным азартным гульням. Мы не аказваем паслугі пасрэднікаў па ўмоўным дэпаніраванні. Не выкарыстоўвайце нашы Паслугі для ўмоўнага дэпаніравання сродкаў. Калі Мы адмовімся аказваць Нашы Паслугі (цалкам або часткова) па любой з вышэйпералічаных прычын, Мы, па магчымасці, паведамім Вам і ўкажам падставы Нашай адмовы, калі гэта не будзе забаронена Нам па прычынах, звязаных з правам або бяспекай. Выкарыстоўваючы нашы Паслугі, Вы пацвярджаеце, што Вы і ваш Атрымальнік робіце гэта згодна з правам, дазволеным выкарыстаннем, і не парушаеце гэтыя умовы.

V. КАНФІДЭНЦЫЯЛЬНАСЦЬ

Абарона Вашай канфідэнцыяльнасці для Нас вельмі важная. Азнаёмцеся з Глабальнай заяву Western Union аб канфідэнцыяльнасці, каб лепш разумець Нашы імкненні захоўваць Вашу канфідэнцыяльнасць і тое, як Мы выкарыстоўваем і раскрываем Вашу інфармацыю.

VI. АБМЕЖАВАННІ АДКАЗНАСЦІ

МЫ НЕ НЯСЁМ АДКАЗНАСЦІ ЗА ШКОДУ, ВЫКЛІКАНУЮ ЗАТРЫМКАЙ, НЯВЫПЛАТАЙ АБО НЯПОЎНАЙ ВЫПЛАТАЙ ГЭТАГА ГРАШОВАГА ПЕРАВОДУ, АБО ЗА НЕДАСТАЎКУ ЛЮБОГА ДАДАТКОВАГА ПАВЕДАМЛЕННЯ, ЦІ ТО З-ЗА НЯДБАЙНАСЦІ З БОКУ НАШЫХ СУПРАЦОЎНІКАЎ, ЦІ ТО З-ЗА ПАРТНЁРАЎ, ЦІ ТО ПА ІНШЫХ ПРЫЧЫНАХ, ЗВЫШ СУМЫ 500 ДОЛАРАЎ ЗША Ў ЭКВІВАЛЕНЦЕ (У ДАДАТАК ДА КАМПЕНСАЦЫІ АСНОЎНАЙ СУМЫ ГРАШОВАГА ПЕРАВОДУ І КАМІСІІ ЗА ПЕРАВОД), ЗА ВЫКЛЮЧЭННЕМ ВЫПАДКАЎ, КАЛІ ГЭТА ЗАБАРОНЕНА МЯСЦОВЫМ ЗАКАНАДАЎСТВАМ. МЫ НЕ НЯСЁМ АДКАЗНАСЦІ ЗА УСКОСНЫЯ, ПАБОЧНЫЯ, ФАКТЫЧНЫЯ АБО ВЫНІКОВЫЯ СТРАТЫ. НЯГЛЕДЗЯЧЫ НА ВЫШЭЙСКАЗАНАЕ, МЫ НЕ ВЫКЛЮЧАЕМ АДКАЗНАСЦІ ЗА ЎМОВУ АБО ГАРАНТЫЮ, ЯКІЯ НЕ МОГУЦЬ ВЫКЛЮЧАЦЦА ПА ЗАКОНЕ, УКЛЮЧАЮЧЫ ПАДРАЗУМЯВАНУЮ ГАРАНТЫЮ НА АКАЗАННЕ ПАСЛУГ З АДПАВЕДНАЙ КЛАПАТЛІВАСЦЮ І ЎМЕЛЬСТВАМ. НАША АДКАЗНАСЦЬ ЗА ПАРУШЭННЕ ТАКОЙ УМОВЫ АБО ГАРАНТЫІ МУСІЦЬ АБМЯЖОЎВАЦЦА АБО КОШТАМ ПАЎТОРНАГА АКАЗАННЯ АДПАВЕДНАЙ ПАСЛУГІ, АБО СУМАЙ, ЭКВІВАЛЕНТНАЙ 500 ДОЛАРАМ ЗША (У ЗАЛЕЖНАСЦІ АД ТАГО, ЯКАЯ З ГЭТЫХ СУМ БОЛЬШАЯ), ЗА ВЫКЛЮЧЭННЕМ ВЫПАДКАЎ, КАЛІ ГЭТА ЗАБАРОНЕНА МЯСЦОВЫМ ЗАКАНАДАЎСТВАМ.

Паводле мясцовага заканадаўства, у вас могуць быць дадатковыя правы, У ТЫМ ЛІКУ НА АПЛАТУ ЮРЫДЫЧНЫХ ПАСЛУГ І ПАКРЫЦЦЁ КОШТАЎ ВЫРАШЭННЯ СПРЭЧКІ, таму ВАМ варта азнаёміцца з гэтымі правамі.

МЫ НЕ ГАРАНТУЕМ ДАСТАЎКУ АБО ПРЫДАТНАСЦЬ ЛЮБЫХ ТАВАРАЎ АБО ПАСЛУГ, АПЛАЧАНЫХ З ДАПАМОГАЙ НАШЫХ ПАСЛУГ ГРАШОВЫХ ПЕРАВОДАЎ.

VII. СКАРГІ, ПРЫМЯНІМАЕ ЗАКАНАДАЎСТВА, СПРЭЧКІ

1. Выбар заканадаўства і ўрэгуляванне спрэчак. Гэтыя Умовы і любыя Трансакцыі рэгулююцца заканадаўствам Краіны адпраўкі. Любыя спрэчкі, звязаныя з гэтымі Умовамі або любымі Трансакцыямі, перадавацца Адпраўшчык можа перадаць у суд або іншыя месцы ўрэгулявання спрэчак, прызнаныя ў гэтай краіне, сюды таксама адносіцца накіраванне справы на вырашэнне да незалежнай арганізацыі або амбудсмена. У выпадку супярэчнасці паміж гэтымі Умовамі і прымянімым заканадаўствам перавага аддаецца прымянімаму заканадаўству.

2. Скаргі. Калі ў Вас ёсць скарга адносна нашых Паслуг, у тым ліку адносна вяртання сродкаў, наведайце старонку Службы падтрымкі кліентаў, дзе Вы знойдзеце ўсю неабходную інфармацыю і кантакты, актуальныя для Вашай краіны. Мы можам звязацца з Вамі, калі Нам спатрэбіцца дадатковая інфармацыя. Мы ўважліва азнаёмімся са справай і дадзім падрабязны адказ.

VIII. ПАКРЫЦЦЁ СТРАТ

Вы згаджаецеся кампенсаваць шкоду, абараняць і вызваляць ад адказнасці Нас, Нашых пастаўшчыкоў, прадаўцоў і пастаўшчыкоў паслуг, а таксама іх адпаведныя даччыныя кампанія, афіляваных і службовых асоб, дырэктараў, агентаў, партнёраў, супрацоўнікаў і кансультантаў ад любых прэтэнзій або патрабаванняў, уключаючы абгрунтаваныя выдаткі на юрыдычныя паслугі, выстаўленыя любой трэцяй асобай у сувязі з або ў выніку злоўжывання Вамі гэтых Паслуг, парушэння гэтых Умоў або любога закона, а таксама парушэння Вамі правоў трэцяй асобы.

IX. СКАСАВАННЕ І ВЯРТАННЕ СРОДКАЎ

З улікам дзеючага заканадаўства, Вы можаце скасаваць Трансакцыю і запатрабаваць вяртанне сродкаў, калі толькі на момант атрымання Намі Вашага пісьмовага запыту сродкі не былі ўжо атрыманы або залічаны. Запыты на вяртанне сродкаў, атрыманыя на працягу 30 дзён ад Даты ініцыявання трансакцыі, даюць права на вяртанне як сумы пераводу, так і заплачаных камісій. Запыты на вяртанне сродкаў, пададзеныя пазней чым праз 30 дзён ад Даты ініцыявання першапачатковай трансакцыі, даюць права на вяртанне толькі сумы пераводу. Калі Мы збіралі падаткі, яны будуць вернуты, калі іншае не прадугледжана законам або мясцовай практыкай.

X. ПАДТРЫМКА КЛІЕНТАЎ

Калі Вы выявіце памылкі або сутыкняцеся з праблемамі пры карыстанні Нашымі Паслугамі або калі Вы не задаволеныя Нашымі Паслугамі, наведайце старонку Службы падтрымкі кліентаў. Наш прадстаўнік разгледзіць вашу праблему сумленна і неадкладна.

XI. ІНШАЯ ІНФАРМАЦЫЯ

1. Пераўступка правоў. Згодна з дзеючым заканадаўствам, Мы можам пераўступіць правы па гэтай Умове трэцяй асобе без Вашай згоды.

2. Паўната Пагаднення. Гэтыя Умовы ўяўляюць сабой поўнае пагадненне паміж Вамі і Намі і замяняюць сабой усе папярэднія пагадненні, якія маглі існаваць паміж Вамі і Намі.

3. Мова. Гэтыя Умовы могуць падавацца ў некалькіх мовах, каб вам было зручней. У выпадку узнікнення разыходжанняў перавага аддаецца версіі на англійскай мове, калі гэта дапускаецца прымянімым заканадаўствам.

4. Захаванне правоў. Гэтыя Умовы застаюцца ў сіле, нават калі адно або некалькі з іх прызнаны несапраўднымі, незаконнымі або невыканальнымі. Сапраўднасць астатніх палажэнняў не закранаецца.

5. Дзеянне неадольнай сілы. Мы не нясём адказнасці за невыкананне або затрымку ў выкананні Паслуг у той ступені, у якой такое невыкананне або затрымка абумоўлена абставінамі, якія выходзяць за межы Нашага разумнага кантролю, уключаючы, у прыватнасці: змены прымянімага заканадаўства; закрыццё або недаступнасць неабходнай фізічнай або сеткавай інфраструктуры; суверэнны дэфолт; збой электразабеспячэння або інтэрнэту; грамадзянскія хваляванні; вайна; землятрус, пажар, паводка або іншыя стыхійныя бедствы.

6. Аўтаномнасць палажэнняў. Калі якая-небудзь частка гэтых Умоў будзе прызнана судом кампетэнтнай юрысдыкцыі несапраўднай, незаконнай або невыканальнай, такая частка падлягае адасабленню ад астатняй часткі Умоў, якія мусяць заставацца сапраўднымі і падлягаць выкананню ў максімальна магчымай ступені, дазволенай заканадаўствам.

7. Іншыя Умовы. Гэтыя Умовы могуць быць дапоўнены ўмовамі, прымянімымі да прома-акцый, праграмы рэкамендацый сябрам і іншымі ўмовамі, прымянімымі да Вас у залежнасці ад выкарыстання Вамі Нашых іншых прадуктаў і паслуг. У выпадку, калі любая з такіх умоў уваходзіць у супярэчнасць з дадзенымі Умовамі, перавага надаецца дадзеным Умовам.