თქვენ ხელშეკრულებას დებთ ამ ფულის გადარიცხვის წესებით და პირობებით ( „პირობები“) Western Union-ის მიერ ლიცენზირებულ შვილობილ კომპანიასთან (თითოეული „Western Union სუბიექტი“ და კოლექტიურად, „Western Union სუბიექტები“), ან ლიცენზირებულ პარტნიორთან, წარმომადგენელთან, ან აგენტთან ( „პარტნიორი“) („ჩვენ“, „ჩვენი“ ან „ჩვენ„” აღნიშნავს შესაბამის Western Union სუბიექტს ან/და პარტნიორს) რომელიც გთავაზობთ სერვისებს მის ლიცენზიის ქვეშ Western Union სუბიექტთან თანამშროლობით ჩვენი სერვისების მისაღებად ქვეყანაში, საიდანაც თქვენ განახორციელებთ ტრანზაქციას („გაგზავნის ქვეყანა„). თქვენ ურთიერთობთ Western Union სუბიექტ(ებ)თანან პარტნიორთან, რომლისგანაც მოითხოვეთ ჩვენი სერვისები. მათი დეტალების ნახვა შეიძლება დანართში A – ქვეყნის სპეციფიკური დებულებები ან თქვენს ქვითარში. ნებისმიერი განსხვავებული ან დამატებითი პირობა, რომელიც შესაძლოა შეგეხოთ, იმისდა მიხედვით, თუ რომელ ქვეყანაში ახორციელებთ თანხის გადარიცხვას, ასეთის არსებობის შემთხვევაში, შეგიძლიათ იხილოთ დანართში A – ქვეყნის სპეციფიკური დებულებები. ჩვენ ასევე უზრუნველგყოფთ სხვა დამატებითი ფინანსური სერვისებით, რომელიც წინამდებარე პირობების ქვეშ (მაგ. ციფრული საფულის სერვისი) არ არის წარმოდგენილი. დამატებითი ფინანსური სერვისების გამოსაყენებლად, შეიძლება მოგიწიოთ დათანხმება დამატებით წესებზე და პირობებზე, შესაბამისი სერვისის მიხედვით.

ნაწილი A: შესავალი

ეს პირობები ეხება ჩვენს სერვისებს, როგორც ქვემოთაა განმარტებული. ჩვენი სერვისების გამოყენებით, ადასტურებთ რომ თქვენ იღებთ ამ პირობებს და ეთანხმებით მათ დაცვას. თუ ამ პირობებს არ ეთანხმებით, შეგიძლიათ არ გამოიყენოთ ჩვენი სერვისები. გირჩევთ, სამომავლო გამოყენებისთვის ამობეჭდოთ ეს პირობები ან შეინახოთ მისი ასლი.

ჩვენ შეიძლება, ნებისმიერ დროს პასუხისმგებლობის გარეშე, ჩავუსწოროთ ან შევუწყვიტოთ სერვისი მთლიანად ან ნაწილობრივ (რაც მოიცავს წვდომას მესამე მხარის ბმულების მეშვეობით); ჩამოვაჭრათ, შევასწოროთ ან უარვყოთ გარკვეული მოსაკრებლები, რომლებიც უკავშირდება სერვისებს; ან შევთავაზოთ სერვისები, ან გარკვეული ტიპის სერვისები, ზოგ ან ყველა მომხმარებელს.

I. განსაზღვრული ტერმინები

შემდეგ ტერმინებს აქვთ ქვემოთ წარმოდგენილი მნიშვნელობა. დამატებითი განსაზღვრული ტერმინები ბრჭყალებში იქნება ჩასმული შესაბამის განყოფილებაში. ხაზგასმული სიტყვები ამ ტერმინებში შეიცავს დამატებით ინფორმაციაზე გადასასვლელ ჰიპერბულემს.

„საბანკო ბარათი“ აღნიშნავს სადებეტო ან წინასწარ გადახდის ბარათს და, სადაც შესაბამისია, საკრედიტო ბარათს (მაგ. Visa ან Mastercard).

„გადასახადის გადახდა“ აღნიშნავს ზოგიერთ ქვეყანაში ხელმისაწვდომ სერვის,, რომელიც საშუალებას აძლევს მომხმარებლებს დაგეგმონ, მართონ და გადაუხადონ გადასახადი სხვადასხვა ანგარიშის წარმდგენებს.

„ბარათის გამცემი“ აღნიშნავს საბანკო ბარათის გამცემსა და გამომშვებს.

„ადგილმდებარეობა“ აღნიშნავს ადგილებს, სადაც შეგიძლიათ გადარიცხოთ და მიიღოთ ფული ან, ზოგიერთი ქვეყნის შემთხვევაში, გადასახადი პირადად ჩვენთან ერთად. ეს მოიცავს სხვადასხვა ადგილებს, როგორიცაა ბანკები, სუპერმარკეტები, ფინანსური ინსტიტუციები, საფოსტო ოფისები, კიოსკები და სხვა საცალო მოვაჭრეები.

„მობილური აპლიკაცია“ აღნიშნავს მობილურ აპლიკაციას, რომელიც ჩვენ ხელმისაწვდომი გავხადეთ მომხმარებლებისთვის, რათა მათ გამოიყენონ სერვისები.

„მიმღები“ აღნიშნავს გამგზავნის მიერ დანიშნულ მიმღებს, რომელმაც უნდა მიიღოს თანხა, და მოიცავს ანგარიშის წარმდგენს გადასახადის გადახდის სერვისში.

„გამგზავნი“ აღნიშნავს პიროვნებას, რომელმაც წამოიწყო ფულის გაგზავნა ან გადასახადის გადახდა ჩვენი სერვისების გამოყენებით.

„სერვისები“ აღნიშნავს ფინანსურ სერვისებს, რომლებიც ამ პირობების ნაწილ B (I.)-ში არის მითითებული.

„ტელეფონიდან ფულის გადარიცხვა“ აღნიშნავს სერვისს, რომლის ფარგლებშიც მომხმარებელი იწყებს ფულის გადარიცხვას შესაბამის ტელეფონის ნომერზე დარეკვით, როგორც წესი, მომხმარებლის მომსახურების წარმომადგენელთან საუბრით ან ავტომატური სისტემის გამოყენებით.

„ტრანზაქცია“ აღნიშნავს ფულის გადარიცხვას, რომელიც იწყება გამგზავნის მიერ ჩვენი სერვისების გამოყენებით, გამგზავნისგან სწორი გადახდის მიღებისთანავე.

„ტრანზაქციის წამოწყების თარიღი“ აღნიშნავს თარიღს, როდესაც თქვენ წამოიწყეთ ფულის გადარიცხვა ან გადასახადის გადახდა ჩვენი სერვისების გამოყენებით და თქვენი მოთხოვნა ავტორიზირებულია და გადაცემულია დასამუშავებლად.

„ვებ-გვერდი“ აღნიშნავს ვებ-გვერდს, რომელსაც ჩვენ ვმართავთ თქვენთვის ჩვენი სერვისების მოსაწოდებლად.

„თქვენ“ ან „თქვენი“ აღნიშნავს ყველა და თითოეულ ინდივიდს, რომელიც იყენებს ჩვენს სერვისებს, როგორც გამგზავნი.

ნაწილი B: სერვისის ზოგადი პირობები

I. ჩვენი სერვისები

1. ზოგადი. ჩვენი სერვისები მოიცავს საერთაშორისო და შიდა ფულის გადარიცხვის და გადასახადის გადახდის სერვისს (სადაც სამართლებრივადაა დასაშვები და ხელმისაწვდომი). თითოეულ ტრანზაქციას მინიჭებული აქვს ინდივიდუალური ტრანზაქციის ნომერი, ანუ MTCN.

2. უფლებამოსილი მომხმარებლები. სერვისების გამოსაყენებლად, თქვენ უნდა (i) დააკმაყოფილოთ მინიმალური ასაკის მოთხოვნები და (ii) გქონდეთ ჩვენთან ხელშეკრულების დადების სამართლებრივი შესაძლებლობაგაგზავნის ქვეყანის კანონმდებლობის შესაბამისად. მიმღები უნდა აკმაყოფილებდეს მიმღების ქვეყნის ასაკის მინიმალურ მოთხოვნებს.

3. ფულის გადარიცხვა. როცა ფულის გადასარიცხად წარადგენთ საჭირო ინფორმაციას და დოკუმენტაციას და თანხმდებით აღნიშნულ პირობებს, თქვენ გვავალებთ ჩვენ კონკრეტული ტრანზაქციის შესრულებას. ყოველი ტრანზაქცია არის ცალკე შეთანხმება ჩვენსა და თქვენს შორის, მხოლოდ ამ ფულის გადარიცხვისთვის. ჩვენ არ ვართ ვალდებული დავამუშაოთ ნებისმიერი მომავალი ფულის გადარიცხვა ამ ხელშეკრულებაზე დაყრდნობით.

4. სერვისებზე წვდომა. სერვისები მოწოდებულია ადგილებზე, ვებ-გვერდით, მობილური აპლიკაციით ან ტელეფონით ფულის გადარიცხვის სერვისით. თუ გაქვთ წვდომა სერვისებზე მობილური მოწყობილობით ან ტელეფონით, თქვენი უკაბელო სერვისის ოპერატორით ან მობილური ქსელით, ოპერატორმა შეიძლება დააწესოს სტანდარტული გადასახადები, მონაცემთა ტარიფები, და სხვა მოსაკრებლები.

II. მოსაკრებლები და გადახდა

1. გადარიცხვის მოსაკრებელი. თქვენ თანხმობას აცხადებთ, რომ ჩვენი სერვისების გამოყენების სანაცვლოდ და თქვენ მიერ ინიცირებული თითოეული ფულადი გადარიცხვის ოპერაციისთვის გადაგვიხდით მოქმედი ტარიფის შესაბამის მოსაკრებელს („გადარიცხვის მოსაკრებელი“) და საგადასახადო კანონმდებლობით დადგენილ ნებისმიერ გადასახადის ღირებულებას. თქვენი ოპერაციისათვის მოქმედი გადარიცხვის მოსაკრებლის შესახებ გეცნობებათ ოპერაციის საბოლოო ავტორიზაციამდე, ნებისმიერი დამატებითი სერვისის მოსაკრებლისა და მოქმედი საგადასახადო კანონმდებლობით დადგენილ გადასახადების თანხასთან ერთად. გარკვეულ შემთხვევებში, ფულადი გზავნილის მიმღებისათვის გადახდა შეიძლება ექვემდებარებოდეს ადგილობრივ გადასახადებსა და სერვისების გადასახადებს.

2. უცხოური ვალუტის გადაცვლა. გადარიცხვის მოსაკრებლის გარდა, ჩვენ ვიღებთ ფულს, როდესაც თქვენს ვალუტას უცხოურ ვალუტაში ვცვლით. საერთაშორისო ფულადი გზავნილები, როგორც წესი, გადახდილია მიმღები ქვეყნის მიერ დაშვებულ ვალუტაში ან ვალუტებში. თუ ტრანზაქცია მოითხოვს თქვენი ვალუტის სხვა ვალუტაში კონვერტაციას, კონვერტაცია განხორციელდება მოქმედი მიმდინარე გაცვლითი კურსით, როგორც ეს ნაჩვენებია ან გაზიარებულია თქვენთან, გადარიცხვის საბოლოო ავტორიზაციამდე. ვალუტის კონვერტირება მოხდება გადარიცხვის დროს და მიმღები მიიღებს გადარიცხვის პროცესში უცხოურ ვალუტაში ნაჩვენებ ოდენობას. მომხმარებლის ვალუტის კურსი დაყენებულია საერთაშორისო საბანკო განაკვეთებზე (მარჟის დამატებით), რომლებიც ჩვენთვის საბითუმო ბაზარზეა ხელმისაწვდომი. გლობალურ საფინანსო ბაზრებზე ვალუტის კურსი დღეში რამოდენიმეჯერ იცვლება. ჩვენ ვიტოვებთ ნებისმიერ სხვაობას ჩვენ მიერ მიღებულ და თქვენ მიერ მიღებულ გაცვლით კურსებს შორის. გადარიცხვის მოსაკრებელი და სავალუტო კურსი გადახდის არჩეული ვალუტის მიხედვით შეიძლება განსხვავდებოდეს. ვალუტის მიმდინარე გაცვლითი კურსის სანახავად, გთხოვთ, ეწვიოთ ჩვენს ვებგვერდს ან დაგვიკავშირდეთ ქვემოთ მოცემული საკონტაქტო ინფორმაციის გამოყენებით.

ზოგიერთი ქვეყნის ადგილობრივი კანონმდებლობა ვალუტის კონვერტაციას მიმღებისთვის თანხის გადახდის მომენტში მოითხოვს. თუ ეს ასეა, გაცვლითი კურსი და ნებისმიერი თანხა, რომელიც ნაჩვენებია ან გაზიარებულია თქვენთან, შეიძლება ექვემდებარებოდეს გაცვლითი კურსის მერყეობას თქვენი გადარიცხვის მომენტიდან მიმღების მიერ თანხის აღების მომენტამდე.

ზოგიერთი ქვეყანა იძლევა საშუალებას იმისა, რომ გადახდები მიმღებებისთვის განხორციელდეს რამდენიმე ვალუტაში. თუ ეს ასეა, თქვენი ტრანზაქციის დროს გადახდის ვალუტა უნდა აირჩიოთ. ზოგიერთი ქვეყანა საშუალებას აძლევს მიმღებს მიიღოს გადახდა თქვენ მიერ არჩეულისგან განსხვავებულ ვალუტაში. ასეთ შემთხვევებში, ეს შეიძლება ჩაითვალოს ცალკე ტრანზაქციად და ჩვენ შეგვიძლია დამატებითი თანხა მივიღოთ, როდესაც თქვენი თანხები კონვერტირდება მიმღების მიერ არჩეულ ვალუტაში.

3. SMS შეტყობინებები და ჩამოჭრა. SMS (მოკლე შეტყობინების სერვისი) შეტყობინება შეიძლება ხელმისაწვდომი იყოს, რათა გაცნობოთ თქვენ ან/და თქვენს მიმღებს მნიშვნელოვანი დეტალები თქვენი ტრანზაქციის შესახებ. მობილური ქსელის იპერატორის გადასახადი გამგზავნის ან მიმღების ექსკლუზიურ პასუხისმგებლობას წარმოადგენს. ჩვენ არ ვართ პასუხისმგებელი SMS შეტყობინებებთან დაკავშირებულ რაიმე ხარჯზე. თუ შესაბამისი კანონით ნებადართულია, SMS გაიგზავნება ტრანზაქციის დროს მითითებულ გამგზავნის ან/და მიმღების მობილური ტელეფონის ნომერზე.

4. ანგარიშის გამოყენება. თქვენთვის შესაძლოა ხელმისაწვდომი იყოს ფულის გაგზავნა ან მიღება ანგარიშიდან, როგორიცაა საბანკო ანგარიში, საბანკო ბარათი, ციფრული საფულე, ანგარიშის წარმდგენი ან სხვა ტიპის ანგარიში („ანგარიში“). ანგარიში უზრუნველყოფილია ბანკის ან სხვა მომწოდებლის მიერ („ანგარიშის მომწოდებელი“), რომელმაც შეიძლება დამატებითი მოსაკრებელი ჩამოგაჭრათ. ანგარიშის გამოყენებისას აუცილებლად უნდა იმოქმედოთ ანგარიშის მომწოდებელთან დადებული ხელშეკრულების შესაბამისად. ჩვენ არ ვართ პასუხისმგებელი რაიმე მოსაკრებლისთვის ან პრობლემებისთვის, რომლებიც გამოწვეულია ანგარიშის მომწოდებლის მიერ. თუ ფულს თქვენი ანგარიშისგან განსხვავებულივალუტით გააგზავნით ან მიიღებთ, ანგარიშის მომწოდებელმა შეიძლება შეცვალოს ვალუტა მისივე ვალუტის კურსით ან უარყოს გადარიცხვა. ჩვენ მხოლოდ ვიღებთ გადახდებს და ვაგზავნით ფულს ანგარიშებზე, რომლებიც გამოიყენება პირადი, და არა ბიზნეს საქმიანობისთვის. ტრანზაქციის ინსტრუქციის მიწოდებით, თქვენ ადასტურებთ რომ ასოცირებული ანგარიშები მხოლოდ პირადი გამოყენებისთვისაა. ანგარიშიდან და ანგარიშზე ტრანზაქციების დასამუშავებლად შეიძლება სხვადასხვა მეთოდები გამოვიყენოთ. თუ თქვენ მოგვცემთ არასწორი ანგარიშის ნომერს ან სხვა არასწორ ინფორმაციას ანგარიშზე, ფულს ანგარიშის იმ ნომერზე გადავრიცხავთ, რომელიც თქვენ მიერ იქნა მოწოდებული. ჩვენ არ ვართ პასუხისმგებელი რაიმე შეცდომაზე, რომელიც დაშვებულია ანგარიშის მომწოდებლის ან თქვენს მიერ. ანგარიშის გამოყენებისთვის ჩვენ შეიძლება ჩამოგაჭრათ ზედმეტი მოსაკრებლები; მოსაკრებლების შესახებ იქამდე შეგატყობინებთ, სანამ გადარიცხვას განახორციელებთ.

ანგარიშიდან ტრანზაქციის დაწყებით, თქვენ (i) ადასტურებთ, რომ თქვენ ხართ ანგარიშის მფლობელი და გაქვთ უფლებამოსილება დაიწყოთ ტრანზაქცია და (ii) ავტორიზაციას გვაძლევთ თქვენს ანგარიშზე დავიწყოთ თანხის ელექტრონულად დარიცხვა და/ან ჩამოჭრა ან დავამუშაოთ და შევასწოროთ შეცდომები, თუ ტრანზაქცია ვერ სრულდება.

ჩვენ თქვენდამი პასუხისმგებელი არ ვიქნებით თუ: (1) არ გაქვთ საკმარისი ფული ხელმისაწვდომი თქვენს ანგარიშზე; (2) თქვენი ანგარიში დახურულია ან ფულის გამოტანა შეზღუდულია; (3) ტრანზაქცია აჭარბებს რაოდენობის ან სიხშირის შეზღუდვას, რომელიც დაწესებულია ჩვენს ან თქვენი ანგარიშის მომწოდებლის მიერ; (4) შექმნილია ჩვენს კონტროლს მიღმა პირობები (როგორიცაა: წყალდიდობა, ხანძარი, დენის გათიშვა, მექანიკური ან სისტემური ხარვეზები); (5) თქვენი ანგარიშის მომწოდებელი არ ასრულებს ტრანზაქციას, ტრანზაქცია არ არის დამუშავებული ან ტრანზაქცია უკანაა დაბრუნებული თქვენი ანგარიშის მომწოდებლის მიერ; (6) თქვენი ინსტრუქციები არის არასრული, არასწორი, დაკარგული ან მათი ჩვენთვის გადაცემა დაგვიანებულია; (7) ჩვენ ვერ შევძელით თქვენი ტრანზაქციის დამუშავება უსაფრთხოების გარკვეული მიზეზის გამო ან სერვისის ვარიანტი შეწყვეტილ ან შეჩერებულ იქნა, ან ჩვენ სხვაგვარად გირჩევთ რომ თქვენი ტრანზაქცია არ დამუშავდება; და (8) სხვა გამონაკლისები, რომლებიც კანონის მიერაა დაშვებული.

5. გადახდის ვარიანტები. თქვენ ეთანხმებით, რომ ჩვენი სერვისის მეშვეობით წამოწყებული თითეული გადარიცხვისთვის გადაგვიხდით ჩვენს გადარიცხვის მოსაკრებელს და სხვა შესაბამის მოსაკრებლებს. გადახდის ვარიანტები თქვენი გაგზავნის ქვეყნის შესაბამისად განსხვავდება. თქვენ შეიძლება გადაიხადოთ სერვისისთვის საბანკო ბარათის გამოყენებით, რომელიც ავტორიზებულია გაგზავნის ქვეყანაში ან სხვა შესაბამისი გადახდის მეთოდებით. ასევე შეგიძლიათ გადაიხადოთ ნაღდი ფულით ადგილზე ან სხვა ხელმისაწვდომი გადახდის მეთოდით. საერთო ჯამური გადასახადი ტრანზაქციის დამუშავებამდე უნდა იქნას გადახდილი. თუ გადაიხდით საბანკო ბარათით და ჩვენ არ მივიღებთ ავტორიზაციას საბანკო ბარათის გამცემისგან (ან თქვენი ანგარიშის მომწოდებლისგან, ავტომატური ანგარიშსწორების სისტემის („ACH“), ან გადახდის ID-ით დადასტურებული თანხების შემთხვევაში ), ტრანზაქცია არ გადამუშავდება და თანხები არ გადაეცემა მიმღებს. თითოეულ შემთხვევაში, როცა სერვისის საფასურის გადასახდელად გამოიყენებთ თქვენს საბანკო ბარათს ან ACH-ს, თანხმდებით რომ ჩვენ ავტორიზირებული ვართ ჩამოგაჭრათ თქვენი საბანკო ბარათიდან ან შესაბამისი ანგარიშიდან მთლიანი თანხა (ძირითადი თანხის, გადარიცხვის მოსაკრებლის, გადასახადების, რომლებიც კავშირშია გაცვლით კურსთან, და სხვა შესაბამისი მოსაკრებლების ან გადასახადების ჩათვლით).

III. ტრანზაქციის განაღდება

1. განაღდების მეთოდები. თანხის მისაღებად მიმღებს სხვადასხვა მეთოდს ვთავაზობთ, მათ შორის, მაგრამ არა მხოლოდ: ნაღდი ფულით ადგილზე, პირდაპირ სადებეტო ბარათზე, საბანკო ანგარიშზე ან ციფრულ საფულეზე, სადაც ეს შესაძლებელია. ზოგიერთ ქვეყანაში, მიმღებს შეიძლება ჰქონდეს შესაძლებლობა, აირჩიოს თანხის განაღდების მეთოდი, რომელიც განსხვავდება გამგზავნის მიერ არჩეული მეთოდისგან, ან შეცვალოს განაღდების ვალუტა. გამგზავნი გვაძლევს უფლებამოსილებას, რომ პატივი ვცეთ მიმღების მიერ ფულადი სახსრების მიღების მეთოდის ან განაღდების ვალუტის არჩევანს, თუნდაც ეს გამგზავნის მითითებებისაგან განსხვავდებოდეს. განაღდების ყველა მეთოდი დამოკიდებულია ხელმისაწვდომობაზე მიმღების ქვეყანაში და ადგილმდებარეობაზე.

2. თქვენი მიმღების იდენტიფიცირება. იმისათვის, რომ დადგინდეს, არის თუ არა პირი თქვენი განკუთვნილი მიმღები, როდესაც ისინი ადგილზე იღებენ ფულს, თქვენი მიმღები უნდა იყოს მზად, უზრუნველყოს თავისი სრული სახელი, საიდენტიფიკაციო დოკუმენტი, თქვენი სახელი, MTCN და გადარიცხული თანხის დაახლოებითი ოდენობა. ზოგიერთ ქვეყანაში თქვენ შეგიძლიათ აირჩიოთ სატესტო შეკითხვის დამატება. თუ ამას იზამთ, მიაწოდეთ პასუხი თქვენს მიმღებს. ჩვენ ასევე შეგვიძლია მოვითხოვოთ მიმღებისგან სხვა ინფორმაცია. ტრანზაქციის თანხის გადახდა მოხდება იმ პირისთვის, რომელსაც უფლებამოსილად მივიჩნევთ მოწოდებული ინფორმაციისა და დოკუმენტების საფუძველზე. ჩვენ არ შევამოწმებთ მიმღების მისამართის დეტალებს. ჩვენ შეგვიძლია მიმღებს გადავუხადოთ მაშინაც კი, თუ თქვენ მიერ მითითებული სახელი და თქვენი მიმღების საიდენტიფიკაციო დოკუმენტზე მითითებული სახელი ოდნავ განსხვავდება (მაგრამ ჩვენ არ ვართ ვალდებული გადავიხადოთ, თუ სახელი განსხვავდება). თუ ჩვენ გადავწყვეტთ, რომ მოწოდებული ინფორმაცია არ არის საკმარისი, ჩვენ უარს ვიტყვით გადახდაზე და თქვენთვის ხელმისაწვდომი იქნება თანხის დაბრუნება. ტრანზაქციებისთვის ბანკის ანგარიშზე ან ციფრულ საფულეზე, ჩვენ თანხებს თქვენ მიერ მითითებულ ანგარიშზე გადავიტანთ. ანგარიშის ნომრის მფლობელსა (მობილური ტელეფონის ნომრების და თქვენ მიერ მიმღების იდენტიფიცირებისთვის მოწოდებული სხვა ინფორმაციის ჩათვლით) და მიმღების სახელს შორის შეუსაბამობის შემთხვევაში, გადარიცხვა მოხდება თქვენ მიერ მითითებულ ანგარიშის ნომერზე. გთხოვთ, შეამოწმოთ ციფრების სიზუსტე, რომელიც თქვენ წარმოადგინეთ, რადგან ჩვენ მათ ვეყრდნობით.

|IV. შეზღუდვები

1. ხელმისაწვდომობა. სერვისის ხელმისაწვდომობა შეიძლება განსხვავდებოდეს ქვეყნისა და იურისდიქციის შესაბამისად და შეიძლება შეიცვალოს. რამდენიმე ფაქტორს შეუძლია გავლენა მოახდინოს სერვისის, მათ შორის შერჩეული კონკრეტული სერვისის ხელმისაწვდომობაზე. ეს ფაქტორებია: მიწოდების ნებისმიერი დაგვიანებული ვარიანტები, თითოეული სერვისისთვის გამოყენებული სპეციალური პირობები, გაგზავნილი თანხის ოდენობა, დანიშნულების ქვეყანა, ვალუტის ხელმისაწვდომობა, მარეგულირებელი ან მომხმარებელთა უფლებების დაცვის საკითხები, საიდენტიფიკაციო მოთხოვნები, მიწოდების შეზღუდვები, ადგილმდებარეობების საათები და სხვაობები დროის სარტყლებში.

2. აკრძალული პირები ან ტრანზაქციები. სამართლებრივი მოთხოვნების შესაბამისად, ჩვენ გვეკრძალება ბიზნესის კეთება გარკვეულ პირებთან ან გარკვეულ ქვეყნებში. ჩვენ ვამოწმებთ ტრანზაქციებს და ვადარებთ მათსხვადასხვა სამთავრობო სუბიექტის, მათ შორის შეერთებული შტატების, ევროკავშირისა და დიდი ბრიტანეთის მიერ სანქცირებულ პირთა სიებს. თუ თქვენ ან თქვენი მიმღები სიაში აღმოჩნდებით, ჩვენ გამოვითხოვთ თქვენგან დამატებით ინფორმაციას, რათა დავადასტუროთ რომ თქვენი ან თქვენი მიმღების ვინაობა მოცემული პიროვნება არ არის. ეს შეიძლება მოიცავდეს დაბადების ადგილს, თარიღს და საიდენტიფიკაციო დოკუმენტებს. იმის განსაზღვრა, ხართ თუ არა სიაში, გამოიწვევს ტრანზაქციის დაგვიანებას. კანონის მიხედვით, ჩვენ შესაძლოა ვალდებულნი ვიყოთ დავაყადაღოთ თქვენი სახსრები.

3. დაშვებული გამოყენება. თუ განახორციელებთ ან გექნებათ ნებისმიერი ისეთი ტრანზაქციის განხორციელების მცდელობა, რომელიც ჩვენს პირობებს ან წესებს ეწინააღმდეგება (თაღლითობის აღსაკვეთად მიღებული წესები, ფულის გათეთრების ან ტერორიზმის დაფინანსების ჩათვლით), ან თუ თქვენ იმოქმედეთ თაღლითური განზრახვით ან განზრახ წვლილი შეიტანეთ ტრანზაქციის მონაცემების არასწორ გამოყენებაში ან გააკეთეთ ეს უხეშად დაუდევარი ქცევით, ჩვენ შეიძლება არ მოგაწოდოთ ჩვენი სერვისი თქვენ ნაწილობრივ ან სრულიდ; და ჩვენ უფლება გვაქვს გამოვიყენოთ ამ პირობებით დაცული ნებისმიერი ჩვენი უფლება; და/ან შევატყობინოთ ტრანზაქციის შესახებ შესაბამის სამართალდამცავ ორგანოს; და/ან მოვითხოვოთ თქვენგან ყველა დანაკარგისა და ზიანის ანაზღაურება ნებისმიერი არაავტორიზებული ტრანზაქციისთვის. კერძოდ, ნუ გამოიყენებთ ჩვენს სერვისს რაიმე კანონის დარღვევისთვის, მათ შორის, მაგრამ არა მხოლოდ: (i) ტერორიზმის დაფინანსება, (ii) ფულის გათეთრება, (iii) ტელემარკეტერებისთვის გადახდა (მხოლოდ აშშ), (iii) თამბაქოს პროდუქტების ყიდვა ან (iv) რაიმე დანაშაულის ჩადენის მხარდასაჭერად, რაც მოიცავს თაღლითობას, ქურდობას, ან არალეგალურ აზარტულ თამაშებს. ჩვენ არ ვართ ესქროს სერვისის მომწოდებელი. არ გამოიყენოთ სერვისი ესქროს სახსრებისთვის. თუ ზემოთ ჩამოთვლილ მიზეზთა გამო უარს გეტყვით ჩვენი სერვისის (ნაწილობრივ ან მთლიანად) მიწოდებაზე, ამის შესახებ შეგატყობინებთ, თუ ეს შესაძლებელია, და მოგაწვდით ჩვენი უარის მიზეზებს, გარდა იმ შემთხვევებისა, როდესაც ამის გაკეთება არ შეგვიძლია სამართლებრივი ან უსაფრთხოების მიზეზებიდან გამომდინარე. ჩვენი სერვისების გამოყენებით, თქვენ ადასტურებთ, რომ თქვენი და თქვენი მიმღების მიერ ჩვენი სერვისების გამოყენება კანონიერია, ნებადართულია და არ არღვევს ამ პირობებს.

V. კონფიდენციალურობა

თქვენი კონფიდენციალურობის დაცვა ჩვენთვის ძალიან მნიშვნელოვანია. გთხოვთ, გაეცნოთ Western Union-ის კონფიდენციალურობის საერთაშორისო დებულებას, რათა უკეთ გაიგოთ ჩვენი მიზანი დავიცვათ თქვენი კონფიდენციალურობა და შეიტყოთ ჩვენ მიერ თქვენი ინფორმაციის გამოყენებისა და გამჟღავნების შესახებ.

VI. პასუხისმგებლობის შეზღუდვა

ჩვენ არ ვიქნებით პასუხისმგებელი ფულის გადარიცხვის დაგვიანებით, გადაუხდელობით, არასრული გადარიცხვით ან რაიმე დამატებითი შეტყობინების არმიწოდებით გამოწვეული ზიანის ანაზღაურებაზე, რომელიც აღემატება 500 აშშ დოლარს (გადასახდელი სრული თანხის დაბრუნებასთან ერთად და შესაბამისი მოსაკრებლის დამატებით), იქნება ეს გამოწვეული ჩვენი პერსონალის, პარტნიორის მიერ, ან სხვა მიზეზით, გარდა შემთხვევებისა, როცა ეს ადგილობრივი კანონით აკრძალულია. ჩვენ არ ვართ პასუხისმგებელი რაიმე ირიბი, სპეციალური, შემთხვევითი ან მიზეზობრივი დაზიანებების ანაზღაურებაზე. მიუხედავად ზემოაღნიშნულისა, ჩვენ არ გამოვრიცხავთ პასუხისმგებლობას რაიმე პირობაზე ან გარანტიაზე, რომელიც არ შეიძლება გამოირიცხოს კანონით, მათ შორის ნებისმიერი ნაგულისხმევი გარანტია, რომ ჩვენს სერვისებს გავწევთ სათანადო ზრუნვითა და უნარით. ჩვენი პასუხისმგებლობა ასეთი პირობის ან გარანტიის დარღვევის შემთხვევაში შეზღუდული იქნება იმ ღირებულებით, რომელიც უფრო დიდია შემდეგი ორიდან: სერვისის ხელახლა მიწოდების ხარჯი ან 500$-ის ექვივალენტი, გარდა შემთხვევებისა, როდესაც ეს ადგილობრივი კანონმდებლობით აკრძალულია.

თქვენი ადგილობრივი კანონებით, თქვენ შეიძლება გქონდეთ დამატებითი უფლებები, მათ შორის ადვოკატების მოსაკრებლებისა და დავის გატარების ხარჯების ჩათვლით, და შეიძლება თქვენ გსურდეთ გაეცნოთ ამ უფლებებს.

.ჩვენ არ ვიძლევით გარანტიას ჩვენი ფულის გადარიცხვის სერვისებით გადახდილი საქონლის ან სერვისის მიწოდებაზე და შესაბამისობაზე.

VII. საჩივრები, შესაბამისი კანონი, დავები

1. კანონის არჩევა და დავის გადაწყვეტა. ეს პირობები და ნებისმიერი ტრანზაქცია იმართება გაგზავნის ქვეყნის კანონებით. ნებისმიერი დავა ამ პირობების ქვეშ ან ნებისმიერ ტრანზაქციასთან დაკავშირებით შეიძლება მიტანილ იქნას გამგზავნის მიერ სასამართლოში ან ამავე ქვეყნის სხვა აღიარებულ სადავო ფორუმებში, მათ შორის დამოუკიდებელ ორგანიზაციასთან ან ომბუდსმენთან საკითხის გადასაჭრელად. ამ პირობებსა და მოქმედი კანონს შორის რაიმე კონფლიქტის შემთხვევაში, მოქმედი კანონი უპირატესია.

2. საჩივრები. თუ თქვენ გაქვთ საჩივარი ჩვენი სერვისის თაობაზე, თანხის დაბრუნების ჩათვლით, გთხოვთ,ეწვიეთ ჩვენი მომხმარებელზე ზრუნვის გვერდს, სადაც შეგიძლიათ ნახოთ ყველა დეტალები და დაკავშირების ვარიანტები თქვენი ქვეყნისთვის. ჩვენ შეიძლება დაგიკავშირდეთ, თუ დაგვჭირდება დამატებითი ინფორმაცია. ჩვენ საფუძვლიანად გამოვიკვლევთ საკითხს და მოგაწვდით დეტალურ პასუხს.

VIII. კომპენსაცია

თქვენ ეთანხმებით, რომ აანაზღაურებთ და დაგვიცავთ ჩვენ, ჩვენს მიმწოდებლებს, ვენდორებს, სერვისის მიმწოდებლებს და მათი შესაბამისი შვილობილ კომპანიებს, ასოცირებულ კომპანიებს, ოფიცრებს, დირექტორებს, წარმომადგენლებს, პარტნიორებს, თანამშრომლებს და კონსულტანტებს ნებისმიერი მოთხოვნის ან საჩივრისგან, მათ შორის ადვოკატების გონივრული საფასურისაგან, რომელიც წარმოიქმნება მესამე მხარისგან თქვენ მიერ სერვისების დაუფიქრებელი გამოყენების, ამ პირობების ან ნებისმიერი კანონმდებლობის დარღვევის, ან მესამე მხარის უფლებების დარღვევის შედეგად.

IX. გაუქმება და თანხის დაბრუნება

შესაბამისი კანონის მიხედვით, შეგიძლიათ გააუქმოთ ტრანზაქცია ფულის დასაბრუნებლად, თუ ფული უკვე მიღებული ან დარიცხული არ არის ჩვენ მიერ თქვენი წერილობირი მოთხოვნის მიღების მომენტისთვის. ტრანზაქციის ინიცირების თავდაპირველი თარიღიდან 30 დღის ვადაში მიღებული თანხის დაბრუნების მოთხოვნები დაექვემდებარება როგორც გადარიცხვის თანხის, ისე გადახდილი მოსაკრებლების დაბრუნების უფლებას. ტრანზაქციის ინიცირების თავდაპირველი თარიღიდან 30 დღის შემდეგ მოთხოვნილი თანხის დაბრუნება მხოლოდ გადარიცხვის თანხის დაბრუნების უფლებას იძლევა. იქ, სადაც ჩვენ შევაგროვეთ გადასახადები, გადასახადები ანაზღაურდება, გარდა იმ შემთხვევისა, როდესაც სხვაგვარადაა მოთხოვნილი კანონით ან ადგილობრივი პრაქტიკით.

X. მომხმარებელზე ზრუნვა

თუ შეცდომებს აღმოაჩენთ ან ჩვენს სერვისებთან დაკავშირებით პრობლემებს წააწყდებით, ან თუ არ ხართ კმაყოფილი ჩვენი მომსახურებით, გთხოვთ ეწვიოთ ჩვენს მომხმარებელზე ზრუნვის გვერდს. ჩვენი წარმომადგენლები თქვენს საჩივარს სამართლიანად და სწორად გამოიკვლევენ.

XI. სხვა ინფორმაცია

1. მიკუთვნება. მოქმედი კანონის შესაბამისად, ჩვენ შეგვიძლია ეს პირობები მივაკუთნოთ მესამე პირს თქვენი თანხმობის გარეშე.

2. მთლიანიხელშეკრულება. ეს პირობები წარმოადგენს მთლიან ხელშეკრულებას ჩვენსა და თქვენს შორის და ანაცვლებს სხვა წინა ხელშეკრულებას, რომლებსაც შეიძლება ეარსება ჩვენსა და თქვენს შორის.

3. ენა. ეს პირობები შეიძლება წარმოდგენილი იყოს ბევრ ენაზე. უზუსტობათა აღმოჩენის შემთხვევაში, უპირატესობა მიენიჭება ინგლისურ ვერსიას, როგორც ნებადართულია შესაბამისი კანონის მიერ.

4. უარის თქმის დაუშვებლობა. ეს პირობები ისევ ძალაშია იმ შემთხვევაშიც კი როცა ერთი ან მეტი დებულება არავალიდურია, არაკანონიერია, ან შეუსრულებელია. დანარჩენი დებულებების ვალიდურობა არ იცვლება.

5. ფორსმაჟორი. ჩვენ არ ვიქნებით პასუხისმგებელი რაიმე ხარვეზისთვის ან დაგვიანებისთვის, რამდენადაც ამგვარი ხარვეზი ან დაგვიანება გამოწვეულია ჩვენი გონივრული კონტროლის მიღმა, მათ შორის, შეზღუდვის გარეშე: მოქმედი კანონების ცვლილებები; საჭირო ფიზიკური და ქსელის ინფრასტრუქტურის დახურვა ან მიუწვდომლობა; სახელმწიფო დეფოლტი; ენერგიის ან ინტერნეტის გათიშვა; სამოქალაქო არეულობა; ომი; მიწისძვრა, ხანძარი, წყალდიდობა ან სხვა სტიქიური უბედურებები.

6. ხელშეკრულების ბათილობა. თუ ამ პირობების რომელიმე ნაწილი კომპეტენტური იურისდიქციის სასამართლოს მიერ აღმოჩნდა ბათილი, უკანონო ან შეუსრულებადი, მაშინ ეს ნაწილი გამოყოფილი იქნება დანარჩენი პირობებისგან, რომლებიც კვლავ ძალაში რჩებიან და აღსრულებადნი იქნებიან კანონით დაშვებული მაქსიმალური ზომით.

7. სხვა პირობები. ამ პირობებს შეიძლება დაემატოს ტერმინები, რომლებიც გამოიყენება აქციების, რეფერალური პროგრამისა და სხვა ტერმინებისთვის, რომლებიც გამოიყენება თქვენთვის, ჩვენი სხვა პროდუქტებისა და მომსახურეობის გამოყენების საფუძველზე. თუ დადგინდა, რომ ამ პირობებიდან რომელიმე წინააღმდეგობაშია ამ პირობებთან, ეს პირობები უპირატესია.