မကြာခဏမေးမြန်းသည့်မေးခွန်းများ

စစ်ဆေးအတည်ပြုခြင်း လုပ်ငန်းစဉ်

ကျွန်ုပ်၏အထောက်အထားစာရွက်စာတမ်းများကို မည်ကဲ့သို့ပေးရမည်နည်း။

သင်၏စစ်ဆေးအတည်ပြုမှုလုပ်ငန်းစဉ်အတွင်း Central ရှိ ကိုယ်စားလှယ်နေရာ၌ သက်တမ်းကျန်ရှိသေးသော အထောက်အထားစာရွက်စာတမ်းတစ်ခုကို ပြသပါ။

ထိုင်းလူမျိုးများအတွက် လက်ခံနိုင်သည့် ID စာရွက်စာတမ်းများမှာ – ထိုင်း အမျိုးသား ID ကတ်၊ ထိုင်းယာဉ်မောင်းလိုင်စင်၊ အခြားသော ထိုင်းအစိုးရထုတ် ID၊ ပြည်သူ့ဝန်ထမ်း ID တို့ ဖြစ်သည်။
ထိုင်းနိုင်ငံသားမဟုတ်သူများအတွက် လက်ခံနိုင်သည့် ID စာရွက်စာတမ်းများမှာ – အပြည်ပြည်ဆိုင်ရာ ပတ်စ်ပို့၊ ထိုင်းယာဉ်မောင်းလိုင်စင်၊ နိုင်ငံခြားသားကတ်တို့ ဖြစ်သည်။

ထိုင်းနိုင်ငံရှိ မည်သည့်ရုံးခွဲများသည် ကျွန်ုပ်၏ကိုယ်ရေးအကျဉ်းကို စစ်ဆေးအတည်ပြုနိုင်ပါသနည်း။

လူကိုယ်တိုင် စစ်ဆေးအတည်ပြုနိုင်သည့် အနီးဆုံးနေရာကို ဤ နေရာ တွင် ရှာဖွေနိုင်ပါသည်။

အွန်လိုင်းမှ ငွေပေးပို့သည့်အခါ ကျွန်ုပ်၏အထောက်အထားကို စစ်ဆေးအတည်ပြုရန် ဘာဖြစ်လို့ လိုအပ်တာပါလဲ။

Western Union အပါအဝင် ငွေကြေးအဖွဲ့အစည်းများအားလုံးသည် ၎င်းတို့၏အသုံးပြုသူများကို ပိုမိုကောင်းမွန်စွာ သိနိုင်ရန်အတွက် ထပ်ဆောင်း အထောက်အထား အချက်အလက်များကို ရယူရန် လိုအပ်ပါသည်။ မည်သူက မည်သူ့ထံ ပိုက်ဆံပေးပို့ခြင်းဖြစ်သည်ကို ကျွန်ုပ်တို့က နားလည်သည့်အခါ၊ သင့်ပိုက်ဆံကို တရားမဝင်လုပ်ဆောင်ချက်များအတွက် အသုံးပြုခြင်းမှနေ၍ ကာကွယ်ရန် ကျွန်ုပ်တို့က ကူညီပေးနိုင်ပါသည်။ 

 မှတ်ချက်– Western Union ဖြင့် ငွေပေးပို့ သို့မဟုတ် လက်ခံရန် အနည်းဆုံး အသက် 18 နှစ်ပြည့်ပြီးသူ ဖြစ်ရမည်။ 

အွန်လိုင်းမှ ငွေပေးပို့သည့်အခါ သင့်အထောက်အထားကို စစ်ဆေးအတည်ပြုရန် ကျွန်ုပ်တို့က သင့်ကို ထပ်ဆောင်း အသေးစိတ်အချက်များ တောင်းခံနိုင်ပါသည်။  

ကျွန်ုပ်၏အထောက်အထားကို အတည်ပြုရန် မည်မျှကြာမည်နည်း။

Central® ရှိ ကိုယ်စားလှယ်နေရာတစ်နေရာတွင် သက်တမ်းကျန်ရှိသေးသော အစိုးရထုတ် ID ကို ပြသပြီးပါက သင့်ကိုယ်ရေးအကျဉ်းကို အတည်ပြုပြီးကြောင်း အတည်ပြုချက်စာတို ရရှိပါမည်။ သင့်စစ်ဆေးအတည်ပြုမှု မပြီးမြောက်မီ ငွေပေးပို့ရန်လိုအပ်ပါက Western Union ကိုယ်စားလှယ်နေရာ တစ်နေရာသို့ သွားရောက်ပါ။

Western Union က ကျွန်ုပ်၏အထောက်အထားကို အတည်ပြုရန် လိုအပ်ပါသလား။

လိုအပ်ပါသည်။ သင်၏ပထမဆုံး အွန်လိုင်းငွေလွှဲမှုကို မလုပ်ဆောင်မီ သင့်ကိုယ်ရေးအကျဉ်းကို စစ်ဆေးအတည်ပြုရန် လိုအပ်ပါလိမ့်မည်။

အွန်လိုင်းမှ အောင်မြင်စွာ မှတ်ပုံတင်ပြီးသည်နှင့် သင့်အား Central® ရှိ ကိုယ်စားလှယ်နေရာ တစ်ခုသို့ သွားရောက်ပြီး သင့်အထောက်အထားကို လူကိုယ်တိုင် စစ်ဆေးအတည်ပြုရန် တောင်းဆိုပါလိမ့်မည်။ လူကိုယ်တိုင် စစ်ဆေးအတည်ပြုမှုအတွက် ပေးပို့သူ၏ အမည်အပြည့်အစုံ၊ ID အမျိုးအစား၊ ID နံပါတ်၊ ID ထုတ်ပေးသူ၊ မွေးသက္ကရာဇ်၊ ID သက်တမ်းကုန်ဆုံးရက်၊ ID ထုတ်ပေးသည့်နေ့စွဲ၊ မွေးဖွားရာနိုင်ငံ၊ လူမျိုး၊ လိပ်စာတို့ လိုအပ်ပါသည်။