Pagdating sa mga money transfer, gusto mo ng serbisyong mabilis, secure, at madaling gamitin. Sa Western Union, makakapagpadala at makakatanggap ka ng pera sa paraang gusto mo, nagpapadala ka man ng pera sa inyo, tumatanggap ng pera, o nagpapadala ng regalo. Piliin ang swak para sa iyo: online, sa app, o sa malapit na agent location.
Paano gumagana ang Western Union?
Nakikipagtulungan kami sa isang malawak na network ng mga agent location, bank partner, at digital platform para gawing simple at maaasahan ang money transfer.
Puwede mong gamitin ang aming mga serbisyo online gamit ang aming website, app, o nang personal sa isang agent location. Available kami sa lampas 185 bansa at teritoryo, at nagpoproseso kami ng 16 na transaksyon kada segundo sa average.
Sa amin, makakapag-transfer ka sa buong mundo o sa loob ng bansa mo. Madali mo ring mata-track ang mga transfer mo anumang oras para updated ka palagi sa mga status ng mga ito.
Paano gamitin ang Western Union sa unang pagkakataon
Madali lang magsimula sa Western Union. Mag-register sa Western Union online sa aming website o app at i-verify ang identity mo. Kapag tapos na, puwede ka nang magpadala o tumanggap ng pera.
Paano magpadala ng pera sa Western Union
Puwede kang magpadala ng pera online gamit ang aming app o website. Kung mas gusto mong ipadala ang transfer mo nang personal, pumunta sa isa sa aming mga agent location. Anumang paraan ang gagamitin mo, narito kami para tulungan kang mag-transfer ng pera sa secure na paraan.
Alamin natin ang mga opsyon mo:
Piliin ang pinakamaginhawang paraan para mag-transfer ng pera
Magpadala ng pera online
Mas gusto mo bang magpadala ng pera nang hindi na kailangang umalis sa bahay? Mag-log in lang sa aming website, magsimula ng transfer, at sundin ang mga hakbang para ipadala ito sa receiver mo.
Personal na magpadala ng pera
Gusto mo bang magpadala ng pera nang personal? Pumunta sa isang agent location sa malapit dala ang isang valid na government-issued ID at mga detalye ng receiver mo. Gagabayan ka ng agent namin sa kabuuan ng proseso.
Magpadala ng pera gamit ang aming international money transfer app
Kailangan mo bang magpadala ng pera habang bumibiyahe ka? I-download ang aming app, mag-log in sa profile mo at simulang magpadala ng mga transfer anumang oras.
Pumili ng payment method
Sa iba’t ibang opsyon sa pagbabayad, madali kang makakapag-transfer ng pera. Magbayad sa paraang pinakamaginhawa para sa iyo:
- Bank account: Direktang magbayad sa pamamagitan ng aming app o website gamit ang bank account mo. Secure ito.
- Credit o debit card: Gamitin ang iyong card para mabilis na magpadala ng pera sa pamamagitan ng aming app o website. Mabilis at secure ito.
- Google Pay: Sa ilang bansa, nag-o-offer din kami ng Google Pay bilang payment method. Maganda rin itong opsyon para sa mga online na pagbabayad.
- Cash (personal lang): Kung magpapadala ka ng pera nang personal sa isang agent location, puwede kang magbayad ng cash. Kakailanganin mong dalhin ang iyong ID at mga detalye ng receiver. Kadalasan, maihahatid sa loob ng ilang minuto ang mga transfer*.
* Puwedeng maapektuhan ang bilis ng transfer at availability ng pondo ng mga salik gaya ng piniling serbisyo, halaga, destinasyon, currency, mga regulasyon, mga ID requirement, at availability ng mga system ng mga banking system ng aming mga partner, at posibleng hindi ito available para sa lahat ng transaksyon. Tingnan ang Mga Tuntunin para sa higit pang detalye.
Anong impormasyon ang kailangan mo para makapagpadala ng pera sa Western Union?
Para matiyak na maihahatid sa tamang oras ang money transfer mo, mahalagang makapaghanda nang tama. Bago magpadala, tiyaking nasa iyo ang mga sumusunod na impormasyon:
- Bansa ng receiver mo
- Halagang gusto mong ipadala
- Gusto mong payment at delivery method
- Pangalan ng receiver mo (gaya ng nasa kanyang government-issued ID)
Tip: I-double check ang lahat ng detalye para maiwasan ang pagkaantala.
Magkano ang puwede mong ipadala sa Western Union?
Nakadepende ang halagang puwede mong ipadala sa iyong lokasyon, sa bansa ng receiver, payment method, delivery method, at limitasyon sa transfer. Malalaman mo ang limitasyon mo sa pagpapadala kapag sinimulan mo ang transfer.
Kung kailangan mong magpadala nang lampas sa pinapayagang limitasyon, posibleng hingian ka ng mga karagdagang detalye ng verification.
Paano tumanggap ng pera sa Western Union
Kapag nakapagpadala na ng transfer, simple lang din ang pagtanggap dito. Makukuha ng receiver mo ang pera in cash o puwede niya itong tanggapin nang direkta sa kanyang bank account, debit card, o mobile wallet depende kung available.
Mga paraan para tumanggap ng pera
Cash pickup sa isang agent location
Kailangang pumunta ang receiver mo sa isang agent location sa malapit dala ang kanyang government-issued ID at tracking number (MTCN) para kunin ang transfer nang cash.
Direct deposit sa bank account o debit card
Sa maraming bansa, puwedeng ipadala nang direkta ang pera sa isang bank account o debit card. Available ang opsyong ito kapag nagpapadala ng mga money transfer online.
Mga mobile wallet transfer
Kung available sa bansa ng receiver mo, puwede kang magpadala ng pera nang direkta sa kanyang mobile wallet.
Mata-track mo at ng receiver mo ang transfer nang may MTCN man o wala para manatiling updated.
Paano palitan ang pickup method ng money transfer mo
Puwede mong i-update ang transfer delivery method mo bago makumpleto ang isang transfer. Puwede mo itong gawin sa pamamagitan ng aming website, app, o sa pamamagitan ng pagkontak sa aming Customer Care. Puwedeng i-request ng receiver mo na i-update ito kapag tina-track niya ang status ng kanyang transfer.
Anong mga dokumento ang kailangan ng receiver ko para matanggap ang pera?
Para kunin ang cash, dapat dalhin ng receiver mo ang mga sumusunod:
- Kanyang valid na government-issued ID
- Tracking number (MTCN)
Humanap ng cash pickup location
Mga singil at exchange rate sa Western Union
Pinapanatili naming malinaw at diretsahan ang aming mga singil para kumpyansa ka sa pagpapadala ng pera. Narito ang mga dapat mong malaman:
Magkano ang gagastusin sa pagpapadala ng pera sa Western Union?
Nakadepende ang gastos sa pagpapadala ng pera sa mga sumusunod:
- Halaga ng transfer
- Bansa ng receiver
- Payment method
- Delivery method
Gamitin ang aming libreng estimator sa website o app para magkaroon ng ideya tungkol sa gagastusin bago ka magsimula.
Ano ang mga exchange rate ng Western Union?
Ang mga exchange rate (tinatawag ding mga FX rate) ay puwedeng mag-iba-iba batay sa mga kondisyon ng merkado. Sa Western Union, sinisikap naming panatilihing patas at makatuwiran ang mga ito. Kumikita kami nang kaunti mula sa currency exchange. Kung gusto mong maghintay ng mas magandang rate, mag-set up lang ng FX alert at ipapaalam namin sa iyo kung kailan magandang magpadala.
Mga dahilan para gumamit ng Western Union
Milyon-milyon ang nagtitiwala sa amin para magpadala at tumanggap ng pera sa buong mundo. Narito kung bakit:
Mga global na payout option
Available kami sa 185+ bansa at teritoryo sa buong mundo, at matutulungan ka naming magpadala at tumanggap ng mga transfer sa halos saanmang lugar.
Dali at ginhawa
Magpadala ng pera sa paraang gusto mo – gamit ang aming website, on the go sa aming app, o nang personal sa isang agent location.
Commitment namin sa seguridad
Protektado ang iyong pera at personal na impormasyon sa mga pinakabago naming hakbang panseguridad.
Tumutulong sa mga tao kahit saan
Nakatuon kaming gawing accessible ang mga serbisyo ng money transfer, lalo na sa mga panahong pinakakailangan ito.
Magpadala ng pera nang may kumpyansa
Sa Western Union, simple, secure, at palaging madali ang pagpapadala ng pera. Mula mabibilis na transfer hanggang mga flexible na delivery option, pinadali na namin ang pag-transfer ng pera nang may kumpyansa.
