Kesyon yo Pi Souvan Poze

Upwardli

Kimoun Upwardli ye?

Upwardli se yon konpayi ki bay sèvis pou konstwi kredi, an patenarya ak Cross River
Bank. Upwardli ka ofri kliyan Western Union yon liy kredi yo ka itilize pou devlope
istwa kredi yo atravè transfè lajan Western Union. Upwardli se non ou pral
wè sou rapò kredi ou.
Pou nenpòt kesyon sou liy kredi ou, kontakte Upwardli nan support@upwardli.com
Tanpri sonje ke Upwardli pa yon bank. Sèvis bankè yo se Cross River Bank ki bay yo,
li manm FDIC.

Kijan Credit Builder la fonksyone?

Si ou jwenn apwobasyon pou yon liy kredi pou bati kredi atravè Upwardli, yo pral mande w si ou
vle itilize liy kredi a pou transfè ki kalifye. Si ou dakò, Western Union ap notifye
Upwardli nan non ou sou kantite lajan ou vle voye, epi Upwardli ap finanse tranzaksyon ou a.
Apre sa, ou pral peye Upwardli atravè sèvis peman bòdwo Western Union, epi Western Union pral
notifye Upwardli lè ou fin ranpli obligasyon peman ou.
Tanpri sonje ke nenpòt balans ki rete san peye ka lakòz yon peman an reta rapòte bay
biwo kredi yo.

Poukisa sa gratis pou mwen?

Paske nou kwè bati kredi ta dwe gratis, nou kontan ofri ou opsyon rapò
kredi a gratis pou w.

Kisa mwen bezwen pou m aplike?

• Ou dwe gen omwen 18 an epi gen yon adrès fizik Ozetazini (pa bwat postal).
• Yon nimewo sekirite sosyal (SSN) oswa Nimewo Idantifikasyon Pou Taks Endividyèl (ITIN) ki valab.
• Yon pyès idantite ki valab leta bay.

Èske yo pral fè yon rechèch kredi ki gen enpak sou kredi mwen (hard credit inquiry) lè mwen aplike?

Non. Yo itilize yon “rechèch kredi dous” (soft inquiry) pou pre-apwouve ou pou yon liy kredi pou devlope kredi (credit builder). Si ou jwenn apwobasyon, ou pral wè yon nouvo liy kredi (tradeline) soti nan Upwardli. Upwardli ap rapòte liy kredi a ak aktivite ki gen rapò avè li bay Experian ak Equifax.

Ki limit liy kredi mwen an?

Tout itilizatè ki apwouve ap gen aksè nan yon liy kredi 2000 USD ki ka itilize sèlman pou transfè lajan ak pwodwi dijital Western Union.
Si transfè ou a depase 2000 USD, li p ap kalifye pou bati kredi.

Poukisa rapò kredi enpòtan?

Kit ou fèk rive Ozetazini kit ou fèk kòmanse, yon dosye kredi “mens” ka fè li
difisil pou jwenn aksè ak sèvis finansye, achte yon machin, lwe yon kay, oswa menm jwenn yon travay.
Rapòte aktivite liy kredi bay biwo kredi yo konstwi istwa kredi ou, ogmante
kalite kredi ki parèt sou rapò kredi ou, epi li ka ogmante nòt ou.

Poukisa mwen pa ka wè transfè mwen fin fè yo lè mwen itilize liy kredi Upwardli nan Credit Builder?

Tout transfè yo ap mete ajou nan relevé chak mwa ke Credit Builder ap pwodwi a nan
fen mwa a.

Kisa k ap pase si mwen abite nan yon Eta kote sèvis pou devlope kredi pa disponib?

Se sèlman kliyan ki nan Eta yo ki elijib ki gen aksè nan Credit Builder la. Si ou nan yon Eta
kote Credit Builder la pa disponib, tanpri tcheke ankò opre Upwardli paske gen
plan pou enkli plis Eta pi devan.

Kisa k ap pase si mwen deplase pou m al viv nan yon Eta kote sèvis Upwardli pa disponib?

Ou ka pèdi aksè nan fonksyonalite pou devlope kredi yo. Pou verifye disponiblite
sèvis sa a, tanpri kontakte Upwardli nan support@upwardli.com

Kijan mwen ka konnen si sèvis Upwardli yo disponib nan Eta mwen an?

Tanpri kontakte Upwardli nan support@upwardli.com pou jwenn yon lis konplè Eta kote
sèvis pou devlope kredi yo disponib.

Kisa k ap pase lè mwen fèmen kont mwen?

Fèmen kont ou ka gen yon enpak tanporè sou nòt kredi ou. Tanpri kontakte Upwardli
pou jwenn plis enfòmasyon nan support@upwardli.com