Mag-travel on a budget: Mga pinakaepektibong tip para makatipid sa holiday

Hindi kailangang mahal para ma-discover ang mundo. Kahit sa maliit na budget lang, makaka-experience ka ng mga hindi malilimutang adventure. Nag-compile kami ng mga pinakaepektibong tip para sa pagta-travel on a budget.

Ang paglalakbay: tipid sa pera kung magpaplano

Saan ka man mapadpad, makakatipid ka nang malaki kung detalyado kang makakapagplano. Napakadali lang magkumpara ng mga presyo ng ticket ng eroplano, pero huwag kalimutan ang gastos sa transportasyon mula airport papunta sa accommodation mo. Kung pipili ka ng ibang airport, baka makatipid ka nga nang kaunti sa flight, pero mas malaki naman ang babayaran mo para sa taxi o shuttle bus papunta sa lungsod. Ibig sabihin, huwag lang basta magkumpara ng mga gastos sa pamasahe sa eroplano, kundi ang kabuuang gastos ng biyahe mula simula hanggang pupuntahan.

Gumala-gala: mag-travel na parang lokal

Maging pamilyar sa lokal na transportasyon. Kadalasan, may pampublikong transportasyon na pumupunta sa mga pinakasikat na pasyalan, pero hindi ito ina-advertise. Mas mura ang pagbibiyahe na parang lokal kaysa sa pamamagitan ng mga tourist bus.

Accommodation: mga hostel at apartment sa halip na mga hotel

Ang mga hostel ay tipid na opsyon sa accommodation at kadalasan ay nagbibigay ang mga ito ng social atmosphere para makasalamuha ang ibang traveller. O kung nagta-travel ka kasama ang mga kaibigan mo, baka mas mura ang short-term rental ng apartment kaysa sa hotel. Magkumpara ng iba’t ibang opsyon bago ka mag-book.

Pagkain: mura at lokal na pagkain

Sobrang mas mura kung magluluto ka para sa sarili mo kaysa kakain ka sa labas, lalo na sa mga tourist area. Kung sa apartment kayo titira ng mga kaibigan mo, kadalasan ay may kusina ito. Kaya dalawang beses kang makakatipid.

Pero kung kakain kayo sa labas, mabilis, abot-kaya at authentic na paraan ang mga street stall para makilala ang local cuisine at para mapanood kung paano ito inihahanda ng mga lokal. Kadalasan, mas mura ang mga stall na ito kaysa sa mga restaurant.

Mga aktibidad: mga libreng experience

Maraming lungsod ang nag-o-offer ng mga libreng walking tour, na pinangungunahan ng mga volunteer. Walang naka-fix na gastos para sa mga tour na ito, dahil eksklusibo itong pinopondohan ng mga tip. Dito, makakapagbayad ka ng halagang akma sa travel budget mo.

Pagbabayad: cash sa halip na card

Ang pinakamahalagang bagay ay ang pamamahala sa pinansya mo habang nasa destination ka. Dahil sa masasarap na pagkain, kahanga-hangang mga pasyalan, at magagandang souvenir, posibleng gumastos ka nang mas malaki kaysa sa plano mo. Kaya naman nababantayan mo dapat nang husto ang budget mo.

Mahirap subaybayan ang gastos kapag nagbabayad ng credit card at dahil na rin sa mga nauugnay na bayad sa palitan. Kung dadalhin mo ang travel budget mo bilang cash, palagi mo itong matitingnan.

Sa Western Union, puwede mong direktang ideposito ang travel budget mo bilang cash sa lokal na currency sa destination mo bago ka bumiyahe. I-download ang app, pumunta sa westernunion.com o pumunta sa isang Western Union location para ipadala ang halagang gusto mo. Kapag nakarating ka na sa destination mo, puwede mong i-pick up ang pera mo sa anumang Western Union location.

Ngayong alam mo na ang mga tip na ito para makatipid ng pera, wala nang makakapigil pa sa susunod mong holiday. Mag-enjoy sa biyahe!