Nagiging mas talamak at mas kahika-hikayat na ang mga beneficiary scam. Kung makakatanggap ka ng mensahe tungkol sa hindi inaasahang pamana, mahalagang matukoy kung ano ang totoo sa hindi. Posibleng magdulot ng matinding pinansyal at emosyonal na pinsala ang mga scam na ito. Samahan kami sa pagtukoy at pagpigil sa mga scammer sa mga paraang smart at ligtas.
Narito kung paano isinasagawa ang mga scam na ito, paano tutukoy ng mga red flag, at kung ano ang dapat gawin kung naapektuhan ka.
Ano ang beneficiary scam?
May ilang uri ng mga inheritance scam, kabilang ang mga sumusunod:
- Mga beneficiary scam: May scammer na magsasabing namatayan ka ng isang malayong kamag-anak at binigyan ka ng malaking mana. Hihingian ka ng mga advance na “legal” o “tax” fee para makuha ang pera. Kapag nakapagbayad ka na, mawawala na ang scammer.
- Mga life insurance scam: Sasabihan ka na benepisyaryo ka sa isang life insurance policy. Hihingian ka ng manloloko ng processing fee, at pagkatapos ay bigla siyang mawawala.
- Mga romance inheritance scam: Makikipagrelasyon sa iyo ang isang scammer online, pagkatapos ay sasabihin niya na pinamanahan siya ng pera pero kailangan niya ng tulong para ma-access ito. Hihingi siya ng pinansyal na suporta, na kadalasan ay palalabasin niyang short-term loan o investment.
Kadalasan, may kaakibat na emosyonal na manipulasyon ang mga scam na ito, mga pekeng dokumento, at mga apurahang paghingi ng pera o personal na impormasyon.
Paano tutukoy ng beneficiary scam
Bantayan ang mga karaniwang red flag na ito:
- Mga typo at mali-maling grammar: Ang mga totoong law firm ay hindi magpapadala ng mga email o sulat na hindi maayos ang pagkakasulat.
- Mga generic na email address: Gumagamit ang mga lehitimong firm ng mga propesyonal na domain, hindi Gmail o Yahoo.
- Walang presensya online: Kung hindi mo mahanap ang law firm o ang abogado online, malamang na peke ito.
- Hindi kilala ang namatay: Tanungin ang sarili, bakit ka bibigyan ng pera ng hindi mo naman kakilala?
- Mga paghingi ng personal na impormasyon: Huwag kailanman mag-share ng mga detalye ng bangko o mga ID document sa mga hindi kilalang contact.
- Mga advance na pagbabayad: Ang mga tunay na legal fee ay kinakaltas mula sa estate. Hindi ka kailanman dapat magbayad para mag-claim ng pera mula sa mana.
Kung may kakaiba, huminto at mag-verify bago kumilos.
Ano ang dapat gawin kung naging target ka
Kahit nag-iingat, puwede pa ring ma-scam. Kung naghihinala ka, gawin ang mga sumusunod:
- Ihinto lahat ng contact sa scammer.
- Huwag nang magpadala pa ng pera o mag-share ng dagdag na impormasyon.
- I-report ang scam sa fraud agency ng bansa mo:
- Estados Unidos: https://reportfraud.ftc.gov/
- United Kingdom: https://www.actionfraud.police.uk/
- Australia/New Zealand: https://www.scamwatch.gov.au/
- Alertuhin ang bangko mo kung nakapag-share ka ng mga detalye ng account.
- Kontakin ang pulisya kung makakatanggap ka ng mga pagbabanta o pananakot.
- Bantayan ang mga susunod na scam. Puwedeng gamitin ulit ng mga scammer ang impormasyon mo at magkunwaring tutulungan kang ma-recover ang mga nawala mong pera.
Tandaan, hindi ka nag-iisa. Kapag sama-sama, kaya nating kumilos agad para manatiling mas smart kaysa sa mga scammer para panatilihing ligtas ang iyong pera at personal na impormasyon.
Manatiling nakakaalam at manatiling ligtas.
Ang pinakamahusay mong depensa ay ang pag-unawa kung paano nangyayari ang mga beneficiary scam. Magtiwala sa kutob mo, mag-verify muna bago kumilos, at tandaan na hindi nangangailangan ng mga advance na bayad ang mga tunay na oportunidad. Manatiling alerto para protektahan ang iyong pera at personal na impormasyon. May kakayahan kang pigilan ang mga scammer #BeFraudSmart.
